Almatyda 17 jastaǵy qyz kópqabatty úidiń terezesinen qulap, kóz jumdy. Qaiǵyly oqiǵa Naýryzbai aýdanyndaǵy Alma City turǵyn úi kesheninde bolǵan, dep habarlaidy dalanews.kz.
Marqumnyń anasynyń aitýynsha, qyzy atalǵan turǵyn úi kesheninde turatyn qurbylaryna qonaqqa barǵan. Keiin anasy telefon arqyly qyzdardyń alkogoldi ishimdik iship otyrǵanyn bilip, qyzyna eskertý jasaǵan.
Kýágerlerdiń sózinshe, budan keiin qyz jigitine habarlasyp, ózin alyp ketýin suraǵan. Jigiti oqiǵa ornyna kelgenimen, páterge kóterilip úlgermegen. Sol sátte qyz terezeden qulap ketken.
Almaty qalalyq politsiia departamenti atalǵan derekti rastady.
"Atalǵan derek boiynsha Naýryzbai aýdandyq politsiia basqarmasy qylmystyq is qozǵady. Oqiǵanyń sebebi men mán-jaiy anyqtalyp jatyr", – delingen politsiia habarlamasynda.
Qazirgi ýaqytta tergeý amaldary jalǵasyp jatyr.
