19-20 qyrkúiek kúnderi Almatyda Qazaqstan musylmandary dini basqarmasynyń uiymdastyrýymen «QMDB EXPO-2026» halyqaralyq kórmesi ótedi. Aýqymdy sharada QMDB-nyń negizgi qyzmet baǵyttary, jańa jobalary men bastamalary, sondai-aq otandyq jáne sheteldik halal indýstriia ókilderiniń ónimderi tanystyrylady, dep habarlaidy dalanews.kz.
«QMDB EXPO-2026» kórmesiniń basty maqsaty – Dini basqarmanyń rýhani-aǵartýshylyq, qaiyrymdylyq, aqparattyq, baspa, qajylyq, halal indýstriiasy, ýaqyp, tsifrlandyrý jáne áleýmettik baǵyttardaǵy jumystaryn keńinen tanystyrý.
Kórmege QMDB-ǵa qarasty «Halal Damý» standarttaý jáne sertifikattaý ortalyǵy, «Zeket jáne qaiyrymdylyq» qory, «Múftiiat» baspasy, «Munara» telearnasy, «Taýaf Trevel» qajylyq kompaniiasy, «Iman» jýrnaly, «Munara» gazeti, «Ýaqyp» qory, «Qamqor-Sharapat» ortalyǵy, «Darhan Dala» jobasy jáne basqa da mekemeler qatysady. Olar arnaiy kórme alańdarynda ózderiniń qyzmetteri men jańa jobalaryn kópshilikke usynady.
Halyqaralyq kórmeniń mańyzdy baǵyttarynyń biri – halal indýstriiasy. Oǵan Qazaqstannyń iri kásiporyndarymen qatar Ózbekstan, Qyrǵyzstan jáne Qytaidan kelgen kompaniialar qatysady. Atap aitqanda, Ózbekstannan Craffers, Alif, ASL CORN, Tanho, PUFFI, ARDENT FOODS, ISKO, Candy Gold, Boost Food, Qyrǵyzstannan «Kýlikov» pen «Toiboss», Qytaidan Wedrink kompaniiasy óz ónimderin tanystyrady.
Al otandyq óndirýshiler qatarynda Arai East Food, «Emil», Zigi-Zagi, «Kýblei», «Nárlen», Happy Cake, Lalu Cake, «ULAN», «Lengerskoe», «Bijan», «Alel Agro», «Alataý Qus» jáne basqa da kásiporyndar bar.
Kelýshiler et jáne qus ónimderi, sút ónimderi, konditerlik taǵamdar, sýsyndar, jartylai fabrikattar, taǵam qospalary jáne basqa da halal ónimderdiń túrlerimen tanysyp, taýarlardy óndirýshilerden tikelei satyp ala alady.
Sonymen birge kórme aiasynda tsifrlandyrý men zamanaýi tehnologiialarǵa erekshe mán berilmek. Kelýshilerge QMDB qyzmetine engizilip jatqan tsifrlyq jobalar men tehnologiialyq sheshimder tanystyrylady.
Is-sharanyń resmi ashylý rásimine QMDB Tóraǵasy, Bas múfti Naýryzbai qajy Taǵanuly qatysady. Sondai-aq úzdik halal kásiporyndardy marapattaý rásimi ótip, halal standarttaý jáne sertifikattaý salasyna qatysty kezdesýler men dárister uiymdastyrylady.
Eki kúnge josparlanǵan baǵdarlama aiasynda rýhani-aǵartýshylyq kezdesýler, suhbattar, arnaiy tanystyrylymdar jáne ózge de is-sharalar ótedi.
«QMDB EXPO-2026» halyqaralyq kórmesi 19-20 qyrkúiek kúnderi saǵat 09:00-18:00 aralyǵynda Almaty qalasy, Timiriazev kóshesi, 42 mekenjaiyndaǵy «Baqshasarai» saltanat saraiynda ótedi. Kórmege kirý tegin.
Uiymdastyrýshylardyń aitýynsha, shara QMDB qyzmetimen jaqynyraq tanysýǵa, jańa bastamalar men zamanaýi jobalardy kórýge jáne Qazaqstandaǵy halal indýstriiasynyń otandyq ári halyqaralyq ókilderimen bailanys ornatýǵa múmkindik beredi.
