Jaz bastalǵaly beri Almatyda qarbyz ben qaýyn jep ýlanǵan birde-bir adam tirkelmegen. Zerthanadaǵy tekseris kezinde de baqsha ónimindegi nitrat ruqsat etilgen deńgeiden asyp ketpegeni anyqtalǵan. Bul týraly Óńirlik kommýnikatsiialar qyzmetinde ótken brifingte Sanitariia-epidemiologiialyq baqylaý departamenti basshysynyń orynbasary Ásel Qalyqova málimdedi, dep habarlaidy dalanews.kz.
Jazda mamandar qarbyz ben qaýyn sapasyna erekshe kóńil bóledi. Baqsha ónimderi jappai satylatyn oryndarda ónim úlgileri alynyp, olar tekserý úshin zerthanalarǵa zertteýge jiberilip otyrady.
Eń aldymen mamandar nitrattyń mólsherin tekseredi. Qajet bolǵan jaǵdaida ónimdegi pestitsid qaldyqtary, ýly elementter, mikrobiologiia jáne radiologiia kórsetkishi de zertteledi. Zertteýler Eýraziialyq ekonomikalyq odaqtyń tehnikalyq reglamentteri men Qazaqstan Respýblikasynyń sanitariia normalaryna sáikes júrgiziledi.
"Biyl júrgizilgen zertteý nátijesinde qarbyz ben qaýyn úlgilerindegi nitrat ruqsat etilgen deńgeiden asyp ketkeni anyqtalǵan joq. Sondai-aq, qaýipsizdik talabyna sáikes kelmeitin ózge de kórsetkishter tirkelmedi", – dedi ol.
Mamandardyń aitýynsha, nitrat mólsheri joǵary ekenin jemistiń túsine, iisine, dámi men syrtqy túrine qarap anyqtaý múmkin emes.
"Nitrattardyń naqty mólsherin tek akkredittelgen zerthanada bekitilgen zertteý ádisteri arqyly anyqtaýǵa bolady. Satyp alýshylar eń aldymen ónim qai jerde satylyp jatqanyna, jemistiń syrtqy jaǵdaiyna, qujattary bolýyna nazar aýdarýy qajet", – dep túsindirdi Ásel Qalyqova.
Turǵyndarǵa qarbyz ben qaýyndy bazardan, dúken men basqa da resmi saýda oryndarynan satyp alý usynylyp otyr. Al satýshylarda ónimniń shyǵý tegi men qaýipsizdigin rastaityn qujattar bolýǵa tiis.
