جاز باستالعالى بەرٸ الماتىدا قاربىز بەن قاۋىن جەپ ۋلانعان بٸردە-بٸر ادام تٸركەلمەگەن. زەرتحاناداعى تەكسەرٸس كەزٸندە دە باقشا ٶنٸمٸندەگٸ نيترات رۇقسات ەتٸلگەن دەڭگەيدەن اسىپ كەتپەگەنٸ انىقتالعان. بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە سانيتارييا-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا مەلٸمدەدٸ, دەپ حابارلايدى dalanews.kz.
جازدا ماماندار قاربىز بەن قاۋىن ساپاسىنا ەرەكشە كٶڭٸل بٶلەدٸ. باقشا ٶنٸمدەرٸ جاپپاي ساتىلاتىن ورىنداردا ٶنٸم ٷلگٸلەرٸ الىنىپ, ولار تەكسەرۋ ٷشٸن زەرتحانالارعا زەرتتەۋگە جٸبەرٸلٸپ وتىرادى.
ەڭ الدىمەن ماماندار نيتراتتىڭ مٶلشەرٸن تەكسەرەدٸ. قاجەت بولعان جاعدايدا ٶنٸمدەگٸ پەستيتسيد قالدىقتارى, ۋلى ەلەمەنتتەر, ميكروبيولوگييا جەنە راديولوگييا كٶرسەتكٸشٸ دە زەرتتەلەدٸ. زەرتتەۋلەر ەۋرازييالىق ەكونوميكالىق وداقتىڭ تەحنيكالىق رەگلامەنتتەرٸ مەن قازاقستان رەسپۋبليكاسىنىڭ سانيتارييا نورمالارىنا سەيكەس جٷرگٸزٸلەدٸ.
"بيىل جٷرگٸزٸلگەن زەرتتەۋ نەتيجەسٸندە قاربىز بەن قاۋىن ٷلگٸلەرٸندەگٸ نيترات رۇقسات ەتٸلگەن دەڭگەيدەن اسىپ كەتكەنٸ انىقتالعان جوق. سونداي-اق, قاۋٸپسٸزدٸك تالابىنا سەيكەس كەلمەيتٸن ٶزگە دە كٶرسەتكٸشتەر تٸركەلمەدٸ", – دەدٸ ول.
مامانداردىڭ ايتۋىنشا, نيترات مٶلشەرٸ جوعارى ەكەنٸن جەمٸستٸڭ تٷسٸنە, يٸسٸنە, دەمٸ مەن سىرتقى تٷرٸنە قاراپ انىقتاۋ مٷمكٸن ەمەس.
"نيتراتتاردىڭ ناقتى مٶلشەرٸن تەك اككرەديتتەلگەن زەرتحانادا بەكٸتٸلگەن زەرتتەۋ ەدٸستەرٸ ارقىلى انىقتاۋعا بولادى. ساتىپ الۋشىلار ەڭ الدىمەن ٶنٸم قاي جەردە ساتىلىپ جاتقانىنا, جەمٸستٸڭ سىرتقى جاعدايىنا, قۇجاتتارى بولۋىنا نازار اۋدارۋى قاجەت", – دەپ تٷسٸندٸردٸ ەسەل قالىقوۆا.
تۇرعىندارعا قاربىز بەن قاۋىندى بازاردان, دٷكەن مەن باسقا دا رەسمي ساۋدا ورىندارىنان ساتىپ الۋ ۇسىنىلىپ وتىر. ال ساتۋشىلاردا ٶنٸمنٸڭ شىعۋ تەگٸ مەن قاۋٸپسٸزدٸگٸن راستايتىن قۇجاتتار بولۋعا تيٸس.
