Almatyda ózderin uiymdasqan qylmysqa qarsy kúres basqarmasynyń qyzmetkerleri retinde tanystyryp, qarý qoldanyp, megapolis turǵynynan aqsha talap etken adamdar ustaldy. Bul týraly IIM málimdedi, dep habarlaidy dalanews.kz.
10 tamyzda bir top adam aldyn ala sóz bailasyp, jábirlenýshini ańdyǵan. Ózderin politsiia qyzmetkerleri retinde tanystyryp, tapanshamen qorqytyp, ony kólikke otyrýǵa májbúrlegen jáne qala syrtyna alyp ketken. Olar qysym kórsetip, jábirlenýshini týysyna qońyraý shalýǵa májbúrlegen. Osylaisha, týysy olar kórsetken nómirge 3 mln teńge aýdarǵan.
Osy aýyr qylmysty jasaǵany úshin uiymdasqan qylmysqa qarsy kúres basqarmasynyń qyzmetkerleri buryn sottalǵan tórt adamdy ustaǵan. Olardyń bireýi buǵan deiin adam óltirgeni úshin jazasyn ótegen.
Barlyǵy ýaqytsha ustaý izoliatoryna qamaldy.
