Almatyda "Medeý" biik taýly sport keshenin aýqymdy jańǵyrtý jumystary jalǵasyp jatyr. Bul - keiingi jyldardaǵy eń iri tehnikalyq jańǵyrtý jobasy. Joba nysannyń tarihi kelbetin saqtap, ony jańa deńgeige kóterýge múmkindik beredi. Bul týraly ÓKQ-da ótken baspasóz máslihatynda Almaty qalasy Qurylys basqarmasynyń basshysy Nurbol Nursaǵatov málimdedi, dep habarlaidy dalanews.kz.
Injenerlik infraqurylym tolyq jańǵyrtylǵanymen, IýNESKO-nyń Búkilálemdik murasynyń aldyn ala tizimine engizilgen "Medeýdiń" syrtqy kelbeti ózgerissiz saqtalady.
Jobanyń negizgi kezeńderiniń biri - aýdany 10,5 myń sharshy metr bolatyn muz alańynyń tehnologiialyq plitasyn tolyq jańartý jáne salqyndatý júiesin aýystyrý. Jańa jabdyq aýa temperatýrasy +15 gradýsqa deiin jetetin jaǵdaida da muzdyń minsiz sapasyn saqtaýǵa múmkindik beredi.
Jańǵyrtý injenerlik júielerdi de qamtidy. Tehnologiialyq úderisterdi avtomattandyrý jáne jylýmen jabdyqtaý júiesin tabiǵi gazǵa kóshirýdiń nátijesinde energiia resýrsyn tutyný 25-30 paiyzǵa qysqaryp, nysandy paidalaný anaǵurlym únemdi ári ekologiialyq turǵydan tiimdi bolady.
Ózgeris sporttyq infraqurylymǵa da áser etedi. Shyǵys tribýnanyń astynda tóreshilerge arnalǵan zamanaýi bólmeler, doping baqylaý aimaǵy jáne halyqaralyq sporttyq jarystardyń talabyna sai, árqaisynyń aýdany 50 sharshy metr bolatyn segiz keń kiim aýystyratyn bólme jabdyqtalady.
Jańǵyrtý aiaqtalǵannan keiin "Medeý" qonaqúii de jańartylady. Ol bir mezgilde 140-qa deiin sportshyny qabyldap, oqý-jattyǵý jiyndary men halyqaralyq jarystardy ótkizýge qolaily jaǵdai jasaidy.
