Almatyda Abylai han dańǵylynyń bir bóliginde kólik qozǵalysy ýaqytsha shekteledi, dep habarlaidy dalanews.kz.
Atap aitqanda, 8 jáne 9 qyrkúiek kúnderi saǵat 22:00-den 06:00-ge deiin Raiymbek dańǵylynan Mámetova kóshesine deiingi aralyqta kólik qozǵalysy jabylady.
Jóndeý júrgiziletin ýchaskede eskertý belgileri ornatylady. Ákimdik baǵytta aldyn ala josparlaýdy surady.
Aita keteiik, Almatyda LRT qurylysy aiasynda qarqyndy daiyndyq júrgizilip jatyr. Tóle bi kóshesi, Momyshuly kóshesinen Jarokov kóshesine deiingi shyǵys baǵyttaǵy ýchaskede burynǵy tramvai jelisiniń bailanys torabyna tiesili tirekter alynyp, olardyń ornyna jańa sándik tirekter ornatylady.
Qazir qoldanystaǵy tirekterde áýe elektr berý jelileri, bailanys jelileri, internet-provaiderlerdiń jelileri, jarnamalyq qurylymdar jáne basqa da injenerlik kommýnikatsiialar ornalasqan. Olardyń bir bóliginiń menshik ieleri nemese paidalanýshy uiymdary áli kúnge deiin anyqtalmaǵan.
