Almatyda erekshe balalar arasynda fýtboldan alǵashqy týrnir uiymdastyryldy. Jarysqa Almaty, Shymkent, Qaraǵandy jáne Óskemen qalalarynan komandalar qatysty, dep habarlaidy dalanews.kz.
Eki kúnge sozylǵan sporttyq shara balalar úshin tek fýtbol básekesi ǵana emes, dostyq qarym-qatynas ornatyp, jańa ortada óz qabiletin synaýǵa múmkindik bergen erekshe merekege ainaldy.
Týrnirdiń alǵashqy kúninde komandalar arasynda tartysty oiyndar ótip, jas sportshylar alańda bar kúsh-jigerin saldy. Jarystan keiin qatysýshylar taýǵa baryp, tabiǵat aiasynda demalyp, birge ýaqyt ótkizdi.
Ekinshi kúni fýtbol básekesi jalǵasyp, komandalar júldeli oryndar úshin ózara synǵa tústi. Jarys qorytyndysynda úzdik komandalar anyqtalyp, jeńimpazdarǵa medaldar men kýboktar tabystaldy. Sonymen qatar týrnir barysynda kózge túsken úzdik oiynshylar da arnaiy marapattarǵa ie boldy.
Sharaǵa balalardyń ata-analary, jattyqtyrýshylar men jankúierler qatysyp, jarystyń sońynda estelik sýretke tústi. Týrnirdiń ótý barysyn buqaralyq aqparat quraldarynyń túsirilim toptary da nazarǵa aldy.
Bul jarysty erekshe balalardyń ata-analary birigip qurǵan fýtbol komandasy uiymdastyrdy. Olardyń aitýynsha, basty maqsat – balalardy sportqa baýlý ǵana emes, olardyń ózine degen senimin arttyryp, dostar tabýyna jáne qoǵammen belsendi aralasýyna jaǵdai jasaý.
«Balalarǵa múmkindik berseń, olar biz oilaǵannan da kóp nársege qabiletti» degen ustanym týrnirdiń negizgi ideiasyn aiqyndady.
Uiymdastyrýshylardyń pikirinshe, mundai jarystar erekshe balalardyń sporttaǵy múmkindigin kórsetýge, olardyń áleýetin ashýǵa jáne qoǵamdaǵy inkliýziia mádenietin damytýǵa yqpal etedi.
Alǵashqy týrnirdiń basty jeńimpazy – júlde alǵan komandalar ǵana emes, fýtbol alańyna shyǵyp, óz múmkindigin synaǵan barlyq balalar boldy.
