الماتىدا ەرەكشە بالالار اراسىندا فۋتبولدان العاشقى تۋرنير ۇيىمداستىرىلدى. جارىسقا الماتى, شىمكەنت, قاراعاندى جەنە ٶسكەمەن قالالارىنان كوماندالار قاتىستى, دەپ حابارلايدى dalanews.kz.
ەكٸ كٷنگە سوزىلعان سپورتتىق شارا بالالار ٷشٸن تەك فۋتبول بەسەكەسٸ عانا ەمەس, دوستىق قارىم-قاتىناس ورناتىپ, جاڭا ورتادا ٶز قابٸلەتٸن سىناۋعا مٷمكٸندٸك بەرگەن ەرەكشە مەرەكەگە اينالدى.
تۋرنيردٸڭ العاشقى كٷنٸندە كوماندالار اراسىندا تارتىستى ويىندار ٶتٸپ, جاس سپورتشىلار الاڭدا بار كٷش-جٸگەرٸن سالدى. جارىستان كەيٸن قاتىسۋشىلار تاۋعا بارىپ, تابيعات اياسىندا دەمالىپ, بٸرگە ۋاقىت ٶتكٸزدٸ.
ەكٸنشٸ كٷنٸ فۋتبول بەسەكەسٸ جالعاسىپ, كوماندالار جٷلدەلٸ ورىندار ٷشٸن ٶزارا سىنعا تٷستٸ. جارىس قورىتىندىسىندا ٷزدٸك كوماندالار انىقتالىپ, جەڭٸمپازدارعا مەدالدار مەن كۋبوكتار تابىستالدى. سونىمەن قاتار تۋرنير بارىسىندا كٶزگە تٷسكەن ٷزدٸك ويىنشىلار دا ارنايى ماراپاتتارعا يە بولدى.
شاراعا بالالاردىڭ اتا-انالارى, جاتتىقتىرۋشىلار مەن جانكٷيەرلەر قاتىسىپ, جارىستىڭ سوڭىندا ەستەلٸك سۋرەتكە تٷستٸ. تۋرنيردٸڭ ٶتۋ بارىسىن بۇقارالىق اقپارات قۇرالدارىنىڭ تٷسٸرٸلٸم توپتارى دا نازارعا الدى.
بۇل جارىستى ەرەكشە بالالاردىڭ اتا-انالارى بٸرٸگٸپ قۇرعان فۋتبول كومانداسى ۇيىمداستىردى. ولاردىڭ ايتۋىنشا, باستى ماقسات – بالالاردى سپورتقا باۋلۋ عانا ەمەس, ولاردىڭ ٶزٸنە دەگەن سەنٸمٸن ارتتىرىپ, دوستار تابۋىنا جەنە قوعاممەن بەلسەندٸ ارالاسۋىنا جاعداي جاساۋ.
«بالالارعا مٷمكٸندٸك بەرسەڭ, ولار بٸز ويلاعاننان دا كٶپ نەرسەگە قابٸلەتتٸ» دەگەن ۇستانىم تۋرنيردٸڭ نەگٸزگٸ يدەياسىن ايقىندادى.
ۇيىمداستىرۋشىلاردىڭ پٸكٸرٸنشە, مۇنداي جارىستار ەرەكشە بالالاردىڭ سپورتتاعى مٷمكٸندٸگٸن كٶرسەتۋگە, ولاردىڭ ەلەۋەتٸن اشۋعا جەنە قوعامداعى ينكليۋزييا مەدەنيەتٸن دامىتۋعا ىقپال ەتەدٸ.
العاشقى تۋرنيردٸڭ باستى جەڭٸمپازى – جٷلدە العان كوماندالار عانا ەمەس, فۋتبول الاڭىنا شىعىپ, ٶز مٷمكٸندٸگٸن سىناعان بارلىق بالالار بولدى.
