Almaty qalasynyń Bostandyq aýdanynda qaiǵyly jaǵdai boldy, dep habarlaidy dalanews.kz.
Turǵyn úi keshenderiniń birinde 37 jastaǵy er adam óz páteriniń 11-qabatynan sekirip ketken. Ony alǵash bolyp turǵyn úi kesheniniń kúzet qyzmetkeri baiqap, dereý jedel qyzmetterdi shaqyryp, alǵashqy kómek kórsetýge áreket jasaǵan.
Oqiǵa ornyna jedel járdem brigadasy men politsiia qyzmetkerleri kelgen. Zardap shekken adam shuǵyl túrde meditsinalyq mekemege jetkizildi.
Alaida dárigerlerdiń barlyq kúsh-jigerine qaramastan, er adam esin jimastan kóz jumdy.
Marqum kim ekeni anyqtaldy. Ol osy turǵyn úi kesheninde turǵany belgili boldy.
Oqiǵanyń mán-jaiy men sebepteri anyqtalyp jatyr.
