Almatyda aǵash qulap jaraqat alǵan 19 jastaǵy Selina Abitova eki aptadan keiin aýrýhanada qaitys boldy, dep habarlaidy dalanews.kz.
Qyz 27 maýsymda aýrýhanaǵa óte aýyr jaǵdaida jetkizilgen. Ol jaǵdaiy aýyrlyǵyna bailanysty anesteziologiia, jansaqtaý jáne qarqyndy terapiia bóliminde em alǵan.
Dárigerler onyń ómirin saqtap qalý úshin barlyq qajet em-sharany júrgizgen. Naýqastyń jaǵdaiy táýlik boiy reanimatolog dárigerler men meditsina qyzmetkerleriniń baqylaýynda bolǵan.
Jansaqtaý sharalary nátije bermei, dárigerler onyń biologiialyq ólimin tirkegen.
Eske salaiyq, oqiǵa Baým toǵaiynda bolǵan edi. Týystarynyń aitýynsha, otbasymen serýendep júrgen kezde Selinanyń ústine úlken qýraǵan aǵash qulaǵan. Ol bas-mi jaraqatyn alyp, aiaǵy men jambas súiegi synǵan.
Oqys oqiǵadan keiin Almaty ákimdigi tergeý bastalǵanyn habarlaǵan edi.
