Almatyda qoǵamdyq kólikte boijetkenge kúsh kórsetken er adam 10 táýlikke ákimshilik qamaýǵa alyndy. Jábirlenýshi oqiǵanyń mán-jaiyn áleýmettik jelide jariialady, dep habarlaidy dalanews.kz.
Boijetkenniń aitýynsha, ol avtobýstaǵy bos orynǵa otyrmaq bolyp, aldynda turǵan er adamnan sál alǵa jyljýyn ótingen. Alaida jolaýshy onyń ótinishine agressiiamen jaýap berip, qyzdy qylqyndyra bastaǵan.
Almaty politsiiasy atalǵan derek boiynsha tekserý júrgizilgenin málimdedi. Jinalǵan materialdar sotqa joldanyp, sot sheshimimen er adam 10 táýlikke ákimshilik qamaýǵa alyndy.
