Almatyda ál-Farabi dańǵylynda samokat tizgindegen adam mert boldy, dep habarlaidy dalanews.kz.
Politsiianyń aitýynsha, túnde elektrsamokat mingen er adam joldyń sol jaq shetimen kele jatqan. Aldyn ala málimet boiynsha onyń jyldamdyǵy saǵatyna 90 shaqyrym bolǵan.
Ol shyǵys ainalma jolda aldynda kele jatqan kólikti basyp ozbaq bolǵan. Keiin birneshe sekýnd ishinde qaiǵyly jaǵdai bolǵan. Beinejazbadan er adam asfaltqa qulaǵanyn kórýge bolady. Soqqydan qorǵanysh dýlyǵasy da basynan ushyp ketken.
Oqiǵa ornyna politsiia qyzmetkerleri men jedel járdem brigadasy jetken.
"Er adam alǵan jaraqattarynan sol jerde kóz jumdy. Qaza tapqan azamat 54 jasta bolǵan. Bul oqiǵaǵa bailanysty sotqa deiingi tergeý bastaldy", - dedi IIM ókilderi.
