Almatyda karshering qyzmetine tiesili 9 myńnan astam elektrosamokat aiyp turaǵyna qoiyldy. Bul týraly qalalyq politsiia departamenti málimdedi, dep habarlaidy dalanews.kz.
Politsiia ókilderiniń aitýynsha, 2026 jylǵy 1 shildeden bastap Qazaqstanda elektrosamokattardy paidalaný tártibine qatysty zańnamaǵa ózgerister engizilgen. Al 25 tamyzdan beri kikshering kompaniialaryna qoiylatyn talaptar odan ári kúsheitildi. Endi kompaniialar paidalanýshylardy sáikestendirý, saqtandyrý rásimderin júrgizý, turaqqa qoiý tártibin baqylaý jáne kólik quralyn basqarýǵa ruqsat berý talaptaryn qatań saqtaýy tiis.
Almaty qalalyq politsiia departamentiniń resmi ókili Saltanat Ázirbektiń aitýynsha, kikshering kompaniialary eń aldymen qaýipsiz infraqurylym qalyptastyrýǵa mindetti.
«Kikshering kompaniialary oryndaýǵa tiis naqty talaptar bar. Eń bastysy – qaýipsiz infraqurylym qurý. Qaladaǵy jol-kólik jaǵdaiyna jáne apat deńgeiine áser etetin túrli zańbuzýshylyqtar anyqtalyp jatyr», – dedi ol.
Qazirgi ýaqytta Almatydaǵy aiyp turaǵynda ártúrli kikshering kompaniialaryna tiesili 9 myńnan astam elektrosamokat saqtaýly tur.
Saltanat Ázirbek qaýipsiz infraqurylymǵa qoiylatyn negizgi talaptardy da atap ótti. Onyń sózinshe, árbir elektrosamokat tehnikalyq turǵydan jaramdy bolýy jáne tirkeý nómirimen belgilenýi qajet. Sonymen qatar kólik quralyn tek kez kelgen sanattaǵy júrgizýshi kýáligi bar azamattar ǵana paidalana alady.
«Kikshering kompaniialary kámeletke tolmaǵandardyń elektrosamokattardy paidalanýyna jol bermeýi kerek», – dedi politsiia ókili.
