Almatynyń Bostandyq aýdanynda keshki ýaqytta qaiǵyly oqiǵa boldy, dep habarlaidy dalanews.kz.
Kópqabatty turǵyn úidiń ortaq balkonynan qulaǵan 21 jastaǵy jigit oqiǵa ornynda kóz jumdy. Oqiǵa ornyna politsiia qyzmetkerleri men jedel qyzmet ókilderi dereý jetti.
Qaza tapqan azamat kim ekeni jedel anyqtaldy. Ol alǵan aýyr jaraqattarynan oqiǵa ornynda qaitys bolǵan.
"Aldyn ala málimet boiynsha qaiǵyly oqiǵa aldynda jigit aptap ystyqqa qaramastan syrt kiimmen júrgen. Osy jáne basqa da mán-jailar tergeý barysynda jan-jaqty tekseriledi", - dedi politsiia.
Bul derek boiynsha Bostandyq aýdandyq politsiia basqarmasy qylmystyq is qozǵady. Sondai-aq, marqumnyń ómir salty, aralasatyn ortasy jáne tergeý úshin mańyzdy ózge de jaǵdailar zerdelenip jatyr.
