TJM qutqarýshylary Almaty taýlarynda sheteldik azamatqa kómekke keldi, dep habarlaidy dalanews.kz.
Almaty qalasy TJD qutqarý qyzmetine 20 shildede Myńjylqy ústirtine qarai jaiaý ketip, osy ýaqytqa deiin bailanysqa shyqpaǵan týrist joǵalǵany týraly habarlama túsken.
Týristiń júrýi múmkin baǵytyn naqtylaý úshin 23-ámbebap qutqarý bólimshesiniń qutqarýshylary baqylaý beketinde jáne Myńjylqy ústirti aýmaǵynda ornalasqan beinebaqylaý kameralarynyń jazbalaryn qarap shyqqan.
Izdestirý jumystaryna qutqarýshylar ekipajy jedel shyqqan.
"Marshrýtty tekserý jáne týristerden surastyrý barysynda er adam Kishi Almaty shatqalynda, iaǵni Shymbulaq pen Myńjylqy arasyndaǵy joldan tabyldy. 66 jastaǵy Resei Federatsiiasynyń azamatyna meditsinalyq kómek qajet bolmady. Qutqarýshylar ony qutqarý beketine deiin túsirdi", - dedi TJM ókilderi.
