Almaty oblysynda qutqarýshylar biik taý shyńynda qalyp qoiǵan Germaniia azamattaryna kómek kórsetti, dep habarlaidy dalanews.kz.
Tótenshe jaǵdailar ministrliginiń málimetinshe, Qarasai aýdanyndaǵy Sátbaev (Sovetov) shyńyna kóterilgen týrister tobynyń bir múshesi qolyn jaraqattap, ózdiginen tómen túse almaǵan. Osyǵan bailanysty sheteldik týrister qutqarýshylardan kómek suraǵan.
Oqiǵa ornyna QR TJM-niń «Barys» respýblikalyq qutqarý qyzmetiniń mamandary, Almaty qalasy ákimdiginiń monitoring jáne jedel áreket etý ortalyǵynyń qutqarýshylary jáne «Qazaviaqutqarý» AQ tikushaǵy jumyldyryldy.
Qutqarýshylar tikushaqpen biik taýly aimaqqa jetip, jaiaý júrip zardap shekken týristke barǵan. Olar alǵashqy meditsinalyq kómek kórsetip, azamatty tikushaq qona alatyn qaýipsiz orynǵa deiin jetkizgen.
Keiin jaraqat alǵan Germaniia azamaty tikushaqpen Almatydaǵy №4 qalalyq klinikalyq aýrýhanaǵa evakýatsiialandy. Onda ol dárigerlerdiń qaraýyna tapsyrylyp, qajetti meditsinalyq kómek aldy.
TJM taýǵa shyǵý kezinde qaýipsizdik talaptaryn saqtap, baǵyt pen marshrýt týraly aldyn ala habarlap otyrýǵa shaqyrdy.
