Almaty oblysynda uiymdasqan qylmystyq toptyń 17 múshesi 800-den asa kólikti tirkeý esebine zańsyz qoiǵany úshin sottaldy, dep habarlaidy dalanews.kz.
Sot olardyń árqaisyna qylmystaǵy róli men qatysý deńgeiine qarai 2 jyldan 11 jylǵa deiin bas bostandyǵynan aiyrý jazasyn taǵaiyndady. Memleketke tólenbegen tirkeý jáne ýtil alymdarynyń jalpy somasy 6,6 mlrd teńgeden asty.
Tergeý barysynda QMA-nyń Almaty oblysy boiynsha departamenti qylmystyq top eki jyl boiy belgilengen talaptardy ainalyp ótip, kólikterdi zańsyz tirkeýmen ainalysqanyn anyqtady. Alǵashqy kezeńde shemaǵa qatysýshylar tehnikalyq reglament talaptaryn buzyp, Qazaqstanǵa ákelingen 642 júk kóligin zańsyz tirkegen.
Keiin qylmystyq áreket jeńil kólikterge qatysty "qosar kólikterdi tiriltý" dep atalatyn shema boiynsha jalǵasqan. Zańsyz ákelingen kólikterge Qazaqstanda buryn tirkelip, keiin esepten shyǵarylǵan kólikterdiń VIN kodtary berilgen. Osy tásilmen taǵy 209 kólik tirkelgen. Zańsyz shemaǵa politsiia qyzmetkerleri, mamandandyrylǵan HQKO qyzmetkerleri jáne jeke notariýstar qatysqan. Olar aqparattyq júielerge jalǵan málimet engizýdi jáne jalǵan tulǵalarǵa senimhat rásimdeýdi qamtamasyz etken.
Tólenbegen tirkeý alymynyń somasy 5,4 mlrd teńge, ýtil alymy 1,2 mlrd teńge boldy.
Tergeý barysynda kólik ieleri alǵashqy tirkeý alymdaryn óz erkimen tólep, nátijesinde memleketke 1 mlrd teńgeden asa qarajat qaitaryldy. Sonymen qatar, sot úkimimen bes kólik memleket kirisine tárkilendi.
Burynǵy tórt politsiia qyzmetkeri arnaiy ataqtarynan aiyryldy. Sot notariýstarǵa notariattyq qyzmetpen ainalysýǵa tyiym saldy.
Sot úkimi zańdy kúshine engen joq.
