Almaty oblysynda alqabilerdiń qatysýymen qaralǵan qylmystyq is boiynsha kúieýin óltirdi dep aiyptalǵan áiel aqtaldy, dep habarlaidy dalanews.kz.
Sot materialdaryna sáikes, 2026 jylǵy 1 mamyrda erli-zaiyptylardyń úiinde janjal bolǵan. Janjal barysynda áiel kúieýiniń júrek tusyna asúi pyshaǵymen soqqy jasaǵan. Er adam alǵan jaraqatynan kóz jumǵan.
Sotqa deiin buqaralyq aqparat quraldary men áleýmettik jelilerde áieldiń uzaq ýaqyt boiy turmystyq zorlyq-zombylyq kórgeni týraly aqparat taraǵan bolatyn. Onda áieldiń birneshe ret soqqyǵa jyǵylǵany, tunshyqtyrý áreketterine ushyraǵany, qysta emizýli sábiimen birge úiden qýylǵany jáne júkti kezinde jaraqat alǵany aitylǵan. Sondai-aq oqiǵa aldynda áiel kúieýiniń kózine shóp salǵanyn bilip, ajyrasýǵa sheshim qabyldaǵannan keiin er adamnyń oǵan qaitadan kúsh qoldanǵany jóninde málimetter jariialanǵan.
Alaida sottyń resmi habarlamasynda bul derekter is boiynsha anyqtalǵan mán-jailar retinde kórsetilmegen. Qylmystyq isti Almaty oblysynyń mamandandyrylǵan aýdanaralyq qylmystyq ister jónindegi soty alqabilerdiń qatysýymen qarady. Nátijesinde alqabiler áieldi kinásiz dep tanydy.
Osy sheshim negizinde sot aqtaý úkimin shyǵaryp, áieldi qamaýdan bosatý týraly qaýly qabyldady. Sonymen qatar jábirlenýshi taraptyń moraldyq jáne materialdyq shyǵyndy óndirý týraly azamattyq talaby qanaǵattandyrýsyz qaldyryldy. Úkim ázirge zańdy kúshine engen joq.
