28 qyrkúiekte Almatyda Ortalyq Aziiadaǵy eń iri sóre – Almaty Marathon ótedi. «Birinshi bolý – batyldyq» korporativtik qory uiymdastyryp otyrǵan jarys biyl on tórtinshi ret Respýblika alańynan bastalyp, 60-tan astam elden kelgen 16 000 atletti biriktiredi. Osy jyly eki rekord tirkeldi: 1200-den astam sheteldik qonaq qatysqaly otyr, al 42,2 km marafondyq qashyqtyqqa 1500 adam ótinim berdi, dep habarlaidy Dalanews.kz
Respýblika alańynan bastalǵan júgirý baǵyty ál-Farabi dańǵyly boiymen sozylyp, qatysýshylar asqar Alataýdyń ásem beinesin tamashalai alady. Jol boiynda Tuńǵysh Prezident saiabaǵy, Botanikalyq baq jáne qalanyń tarihi mańyzy zor basqa da kórikti oryndary ornalasqan. Qatysýshylarǵa birneshe tańdaý bar: marafon 42,2 km, jartylai marafon 21,1 km, 10 km qashyqtyq jáne skandinaviialyq júris 10 km. Korporativtik komandalar úshin «Ekiden» estafetasy uiymdastyrylady, onda marafon qashyqtyǵy alty qatysýshy arasynda bólinedi. Márege jetkenderdiń barlyǵyna estelik medal tabystalady, al negizgi qashyqtyq jeńimpazdaryna aqshalai sertifikat, medal, madaqtama qaǵazdary jáne baǵaly syilyqtar beriledi.
Almaty Marathon jyl saiyn aýqymy men qaiyrymdylyq baǵytyn keńeitip keledi. Qor qurylǵan kúnnen bastap qatysýshylardyń sórelik jarnalarynan túsken qarjynyń bir bóligi balalarǵa arnalǵan áleýmettik jobalarǵa jumsalyp keledi. Biyl «Birinshi bolý batyldyq» qory «AYALA» qaiyrymdylyq qorymen birlesip, Shymkent pen Túrkistan oblysyndaǵy eki perinataldyq ortalyqqa jalpy quny 106 241 284 teńge bolatyn zamanaýi diagnostikalyq jabdyqtar tapsyrdy. 14 jyl ishinde qor 370 million teńgeden asa qaiyrymdy iske demeýshi boldy. Olardyń maqsaty sábiler arasyndaǵy múgedektik deńgeiin tómendetý, sportty qoljetimdi etý jáne ult densaýlyǵyn nyǵaitý. jańa qaiyrymdylyq bastamalary týraly uiymdastyrýshylar jaqynda jariialaidy.
«Almaty Marathon – Qazaqstandaǵy halyqaralyq AIMS kúntizbesine engen jalǵyz start. Biz úshin bul – sportty barshaǵa jaqyndatýdyń, eldi álemge tanytýdyń joly. Biyl biz tarihymyzdaǵy eń kóp sheteldik qatysýshyny qabyldap otyrmyz».
«Birinshi bolý – batyldyq» korporativtik qorynyń sóreleri» – Qazaqstandaǵy halyqaralyq marafondar men jarystar kúntizbesine (AIMS) kúntizbesine engen jalǵyz sóre. AIMS – 115 elden 445 marafondy biriktiretin qaýymdastyq. Almaty Marathon – solardyń ishindegi eń irisi ári qor tarihy osy sharadan bastaý alady. Onyń maqsaty – sportty buqaraǵa qoljetimdi etý. Bul marafon adamdardy biriktirip qana qoimai, týrizmdi damytady, biznesti qoldaidy jáne eldiń halyqaralyq bedelin arttyrady. Biyl biz rekordtyq kórsetkishke jettik – álemniń 60-tan astam elinen 1200-den astam sheteldik qatysyp otyr», - dedi Qordyń qamqorshylyq keńesiniń tóraǵasy Ǵalymjan Esenov.
Almaty Marathon túrki elderiniń TAN seriiasyna kiredi, al onyń jarys joldary World Athletics talaptaryna sai sertifikattalǵan. Marafon ekologiialyq standarttarǵa da nazar aýdarady: bir rettik qurylymdardy azaityp, qaldyqty qaita óńdeý úshin jergilikti kompaniialarmen áriptestik ornatqan. EcoNetWork seriktestigi interaktivti ekologiialyq aimaq ornatady. Qatysýshylar sórede qajetsiz jyly kiimderin arnaiy orynǵa qaldyra alady, keiin «Jylý» jobasynyń eriktileri olardy suryptap, muqtaj jandarǵa úlestiredi. Qala turǵyndary da bul qaiyrymdy iske Botanikalyq baqtyń kireberisine qoiylǵan arnaiy jáshik arqyly atsalysa alady.
«Almaty Marathon birneshe jyldan beri inkliýzivtiligimen, uiymdastyrý sapasymen jáne aýqymymen kósh bastap keledi. Biz sporttyq shara ótkizýmen ǵana shektelmeimiz, adamdardy sanaly túrde sportpen shuǵyldanýǵa baýlimyz. Jyl boiy A’SU Team by Almaty Marathon tegin jattyǵýlary ótedi, qysta 42,2 km qashyqtyqqa tirkelgender úshin ashyq top jumys isteidi. Biyl biz Community Almaty Run atty apta saiynǵy kezdesýlerdi bastady, onda birge júgiremiz, dárister tyńdaimyz, ekologiiadan bastap sportqa deiingi túrli taqyryptardy talqylaimyz. Marafon kásibi sportshylar úshin de, áýesqoilar úshin de ashyq, qoǵamdaǵy oń ózgeristerge yqpal etedi», - dedi Qordyń atqarýshy direktory Saltanat Qazybaeva.
Qatysýshylardyń qaýipsizdigin Almaty qalasy Politsiia departamentiniń ókilderi, bas dáriger jáne uiymdastyrý toby qamtamasyz etedi. Barlyq qashyqtyq boiynda 10 velomedik, 90 meditsinalyq erikti, 13 meditsinalyq beket jáne 12 jedel járdem kóligi qyzmet kórsetedi. Sóre-márede «qyzyl» jáne «sary» aimaqtarǵa bólingen márelik gospital jumys isteidi. Jalpy 70-ten astam dáriger men meditsina qyzmetkerleri jumyldyrylady.
Qatysýshylardyń jailylyǵy úshin jarys boiynda tamaq pen sý beketteri, zat saqtaityn oryndar jáne kiim aýystyratyn bólmeler uiymdastyrylady. Biyl alǵash ret ana men balaǵa arnalǵan bólme, áielderge arnalǵan tolyq jabdyqtalǵan sanitarlyq toraptar jáne erekshe qajettiligi bar adamdarǵa arnalǵan ájethanalar bolady.
Qatysýshy bolsa da, jankúier bolsa da, bul marafon árkimge qyzyqty ári jaily ýaqyt ótkizýge múmkindik beredi.
