Áleýmettik jelide Alataý qalasy mańynda túsirilgen erekshe ushý apparatynyń videosy qyzý talqylanyp jatyr, dep habarlaidy dalanews.kz.
Videodaǵy qurylǵy syrt kózge kádimgi tikushaqqa uqsamaidy. Kólemi dronnan áldeqaida úlken apparattyń qala ústinde ushyp júrgeni baiqalady. Video avtory munyń Alataý qalasynyń aýmaǵynda túsirilgenin jazǵan.
Jeli qoldanýshylary túrli boljam aityp jatyr. Keibiri bul jańa drondardyń synaǵy bolýy múmkin dese, endi biri jol erejesin buzǵandardy baqylaýǵa arnalǵan qurylǵy bolýy yqtimal ekenin jazýda. Sondai-aq aerotaksi synaqtan ótip jatyr degen pikirler de paida boldy.
Alaida ázirge videodaǵy apparattyń naqty qandai tehnika ekeni belgisiz. Bul boiynsha resmi organdar da eshqandai aqparat taratqan joq.
