Búgin, 2026 jylǵy 20 shildede halyqaralyq mańyzy bar «Almaty – Bishkek» avtomobil jolynyń 19 – 27 shaqyrym aralyǵyn kúrdeli jóndeý jáne keńeitý jobasyn resmi túrde bastaldy, dep habarlaidy dalanews.kz.
Joba Memleket basshysynyń elimizdiń zamanaýi kólik infraqurylymyn damytý jónindegi tapsyrmasyn oryndaý aiasynda júzege asyrylýda.
Atalǵan joba Qazaqstandaǵy eń qarqyndy kólik dálizderiniń birin jańǵyrtýǵa baǵyttalǵan. Bul jolmen táýligine 70 myńnan astam kólik qatynaidy. Jobany iske asyrý Almaty qalasyna kirip-shyǵatyn baǵyttyń ótkizý qabiletin edáýir arttyrýǵa, jol qozǵalysy qaýipsizdigin kúsheitýge jáne qala mańyndaǵy eldi mekenderdiń turǵyndaryna, megapolis qonaqtaryna ári tranzittik kólikke qolaily jaǵdai jasaýǵa múmkindik beredi.
Saltanatty is-sharaǵa ortalyq jáne jergilikti atqarýshy organdardyń ókilderi, jol salasynyń basshylary, merdiger uiymdar men jurtshylyq qatysty.
Qazirgi tańda qoldanystaǵy tórt jolaqty avtojol kólik aǵynynyń artýyna bailanysty júktemeni tolyq kótere almai otyr. Sonyń saldarynan turaqty kólik keptelisteri týyndap, qozǵalystyń ortasha jyldamdyǵy tómendep, jol-kólik oqiǵalarynyń qaýpi artýda.
Joba aiasynda avtojol tórt jolaqtan segiz jolaqqa deiin keńeitiledi. Nátijesinde bul ýchaske úzdiksiz qozǵalysty qamtamasyz etetin jalpy qalalyq mańyzy bar magistraldyq kósheniń talaptaryna sáikestendiriledi.
Kúrdeli jóndeý barysynda:
- - «Taǵa» úlgisindegi eki zamanaýi kólik airyǵy;
- - toǵyz jerústi jaiaý júrginshiler ótkeli;
- - búkil ýchaske boiynda jaiaý júrginshiler jolaǵy;
- - syrtqy jaryqtandyrý júiesi;
- - jańa kúrdeli jol jabyny salynady.
Sonymen qatar joba aiasynda gaz qubyrlary, sý qubyry jelileri, elektrmen jabdyqtaý júieleri jáne talshyqty-optikalyq bailanys jelileri siiaqty injenerlik kommýnikatsiialar kóshiriledi. Joba aiaqtalǵannan keiin Almaty men qala mańyndaǵy eldi mekender arasyndaǵy jol júrý ýaqyty edáýir qysqarady.
Megapoliske kireberistegi negizgi baǵyttardyń biriniń ótkizý qabileti artyp, kólik júktemesi azaiady, jol qozǵalysy qaýipsizdigi kúsheiedi jáne jergilikti ári tranzittik kólik úshin qolaily jaǵdai qalyptasady.
Bul joba halyqaralyq jol jelisin keshendi jańǵyrtý jumystarynyń kezekti kezeńi ári Qazaqstandaǵy eń iri qalalyq aglomeratsiianyń kólik infraqurylymyn damytýǵa qosylǵan mańyzdy úles bolmaq.
