بٷگٸن, 2026 جىلعى 20 شٸلدەدە حالىقارالىق ماڭىزى بار «الماتى – بٸشكەك» اۆتوموبيل جولىنىڭ 19 – 27 شاقىرىم ارالىعىن كٷردەلٸ جٶندەۋ جەنە كەڭەيتۋ جوباسىن رەسمي تٷردە باستالدى, دەپ حابارلايدى dalanews.kz.
جوبا مەملەكەت باسشىسىنىڭ ەلٸمٸزدٸڭ زاماناۋي كٶلٸك ينفراقۇرىلىمىن دامىتۋ جٶنٸندەگٸ تاپسىرماسىن ورىنداۋ اياسىندا جٷزەگە اسىرىلۋدا.
اتالعان جوبا قازاقستانداعى ەڭ قارقىندى كٶلٸك دەلٸزدەرٸنٸڭ بٸرٸن جاڭعىرتۋعا باعىتتالعان. بۇل جولمەن تەۋلٸگٸنە 70 مىڭنان استام كٶلٸك قاتىنايدى. جوبانى ٸسكە اسىرۋ الماتى قالاسىنا كٸرٸپ-شىعاتىن باعىتتىڭ ٶتكٸزۋ قابٸلەتٸن ەدەۋٸر ارتتىرۋعا, جول قوزعالىسى قاۋٸپسٸزدٸگٸن كٷشەيتۋگە جەنە قالا ماڭىنداعى ەلدٸ مەكەندەردٸڭ تۇرعىندارىنا, مەگاپوليس قوناقتارىنا ەرٸ ترانزيتتٸك كٶلٸككە قولايلى جاعداي جاساۋعا مٷمكٸندٸك بەرەدٸ.
سالتاناتتى ٸس-شاراعا ورتالىق جەنە جەرگٸلٸكتٸ اتقارۋشى ورگانداردىڭ ٶكٸلدەرٸ, جول سالاسىنىڭ باسشىلارى, مەردٸگەر ۇيىمدار مەن جۇرتشىلىق قاتىستى.
قازٸرگٸ تاڭدا قولدانىستاعى تٶرت جولاقتى اۆتوجول كٶلٸك اعىنىنىڭ ارتۋىنا بايلانىستى جٷكتەمەنٸ تولىق كٶتەرە الماي وتىر. سونىڭ سالدارىنان تۇراقتى كٶلٸك كەپتەلٸستەرٸ تۋىنداپ, قوزعالىستىڭ ورتاشا جىلدامدىعى تٶمەندەپ, جول-كٶلٸك وقيعالارىنىڭ قاۋپٸ ارتۋدا.
جوبا اياسىندا اۆتوجول تٶرت جولاقتان سەگٸز جولاققا دەيٸن كەڭەيتٸلەدٸ. نەتيجەسٸندە بۇل ۋچاسكە ٷزدٸكسٸز قوزعالىستى قامتاماسىز ەتەتٸن جالپى قالالىق ماڭىزى بار ماگيسترالدىق كٶشەنٸڭ تالاپتارىنا سەيكەستەندٸرٸلەدٸ.
كٷردەلٸ جٶندەۋ بارىسىندا:
- - «تاعا» ٷلگٸسٸندەگٸ ەكٸ زاماناۋي كٶلٸك ايرىعى;
- - توعىز جەرٷستٸ جاياۋ جٷرگٸنشٸلەر ٶتكەلٸ;
- - بٷكٸل ۋچاسكە بويىندا جاياۋ جٷرگٸنشٸلەر جولاعى;
- - سىرتقى جارىقتاندىرۋ جٷيەسٸ;
- - جاڭا كٷردەلٸ جول جابىنى سالىنادى.
سونىمەن قاتار جوبا اياسىندا گاز قۇبىرلارى, سۋ قۇبىرى جەلٸلەرٸ, ەلەكترمەن جابدىقتاۋ جٷيەلەرٸ جەنە تالشىقتى-وپتيكالىق بايلانىس جەلٸلەرٸ سيياقتى ينجەنەرلٸك كوممۋنيكاتسييالار كٶشٸرٸلەدٸ. جوبا اياقتالعاننان كەيٸن الماتى مەن قالا ماڭىنداعى ەلدٸ مەكەندەر اراسىنداعى جول جٷرۋ ۋاقىتى ەدەۋٸر قىسقارادى.
مەگاپوليسكە كٸرەبەرٸستەگٸ نەگٸزگٸ باعىتتاردىڭ بٸرٸنٸڭ ٶتكٸزۋ قابٸلەتٸ ارتىپ, كٶلٸك جٷكتەمەسٸ ازايادى, جول قوزعالىسى قاۋٸپسٸزدٸگٸ كٷشەيەدٸ جەنە جەرگٸلٸكتٸ ەرٸ ترانزيتتٸك كٶلٸك ٷشٸن قولايلى جاعداي قالىپتاسادى.
بۇل جوبا حالىقارالىق جول جەلٸسٸن كەشەندٸ جاڭعىرتۋ جۇمىستارىنىڭ كەزەكتٸ كەزەڭٸ ەرٸ قازاقستانداعى ەڭ ٸرٸ قالالىق اگلومەراتسييانىڭ كٶلٸك ينفراقۇرىلىمىن دامىتۋعا قوسىلعان ماڭىزدى ٷلەس بولماق.
