Almatynyń batys bóliginde birneshe kúnnen beri jol jieginde qozǵalyssyz turǵan qoǵamdyq avtobýstar turǵyndardyń nazaryn aýdardy. Osyǵan bailanysty Dalanews.kz redaktsiiasy Almaty qalasynyń ákimdigine resmi saýal joldaǵan edi. Ákimdik avtobýstardyń ýaqytsha keshigýine gaz toltyrý stantsiialarynyń bir bóliginiń shtattan tys rejimde jumys isteýi sebep bolǵanyn málimdedi, dep habarlaidy dalanews.kz.
Ákimdiktiń málimetinshe, qazirgi ýaqytta qaladaǵy jekelegen avtobýs baǵyttarynda qozǵalys kestesinde ýaqytsha kidirister baiqalady. Buǵan avtomobil gaz toltyrý kompressorlyq stantsiialarynyń (AGTKS) bir bóliginiń shekteýli rejimde jumys isteýi áser etken.
"Qazirgi ýaqytta 8 avtomobil gaz toltyrý kompressorlyq stantsiiasynyń beseýi ǵana shtattyq rejimde jumys istep tur. Sonyń saldarynan jumys istep turǵan gaz quiý stantsiialarynda avtobýstardyń kezegi qalyptasty. Osyǵan bailanysty jekelegen avtobýs baǵyttarynyń qozǵalys kestesinde ýaqytsha kidirister bolýy múmkin", - dep habarlady ákimdik.
Vedomstvonyń málimetinshe, qazirgi ýaqytta qyzmet kórsetýshi uiymdar gaz toltyrý stantsiialaryndaǵy aqaýlardy joiý úshin jóndeý-qalpyna keltirý jumystaryn júrgizip jatyr. Josparǵa sáikes, bir stantsiianyń jumysy 29 shildede qaita iske qosylady. Al barlyq avtomobil gaz toltyrý kompressorlyq stantsiialarynyń qalypty jumysy 31 shildege deiin tolyq qalpyna keltiriledi dep josparlanǵan.
"Bir stantsiiany 29 shildede iske qosý, al barlyq AGTKS-tiń jumysyn tolyq qalpyna keltirý 31 shildege deiin josparlanyp otyr", - delingen ákimdik jaýabynda.
Osyǵan bailanysty Almaty qalasynyń ákimdigi turǵyndardan ýaqytsha qolaisyzdyqtar úshin keshirim surap, qoǵamdyq kólikpen jolǵa shyǵar aldynda qozǵalys kestesindegi yqtimal ózgeristerdi eskerýge shaqyrdy.
