الماتىنىڭ باتىس بٶلٸگٸندە بٸرنەشە كٷننەن بەرٸ جول جيەگٸندە قوزعالىسسىز تۇرعان قوعامدىق اۆتوبۋستار تۇرعىنداردىڭ نازارىن اۋداردى. وسىعان بايلانىستى Dalanews.kz رەداكتسيياسى الماتى قالاسىنىڭ ەكٸمدٸگٸنە رەسمي ساۋال جولداعان ەدٸ. ەكٸمدٸك اۆتوبۋستاردىڭ ۋاقىتشا كەشٸگۋٸنە گاز تولتىرۋ ستانتسييالارىنىڭ بٸر بٶلٸگٸنٸڭ شتاتتان تىس رەجيمدە جۇمىس ٸستەۋٸ سەبەپ بولعانىن مەلٸمدەدٸ, دەپ حابارلايدى dalanews.kz.
ەكٸمدٸكتٸڭ مەلٸمەتٸنشە, قازٸرگٸ ۋاقىتتا قالاداعى جەكەلەگەن اۆتوبۋس باعىتتارىندا قوزعالىس كەستەسٸندە ۋاقىتشا كٸدٸرٸستەر بايقالادى. بۇعان اۆتوموبيل گاز تولتىرۋ كومپرەسسورلىق ستانتسييالارىنىڭ (اگتكس) بٸر بٶلٸگٸنٸڭ شەكتەۋلٸ رەجيمدە جۇمىس ٸستەۋٸ ەسەر ەتكەن.
"قازٸرگٸ ۋاقىتتا 8 اۆتوموبيل گاز تولتىرۋ كومپرەسسورلىق ستانتسيياسىنىڭ بەسەۋٸ عانا شتاتتىق رەجيمدە جۇمىس ٸستەپ تۇر. سونىڭ سالدارىنان جۇمىس ٸستەپ تۇرعان گاز قۇيۋ ستانتسييالارىندا اۆتوبۋستاردىڭ كەزەگٸ قالىپتاستى. وسىعان بايلانىستى جەكەلەگەن اۆتوبۋس باعىتتارىنىڭ قوزعالىس كەستەسٸندە ۋاقىتشا كٸدٸرٸستەر بولۋى مٷمكٸن", - دەپ حابارلادى ەكٸمدٸك.
ۆەدومستۆونىڭ مەلٸمەتٸنشە, قازٸرگٸ ۋاقىتتا قىزمەت كٶرسەتۋشٸ ۇيىمدار گاز تولتىرۋ ستانتسييالارىنداعى اقاۋلاردى جويۋ ٷشٸن جٶندەۋ-قالپىنا كەلتٸرۋ جۇمىستارىن جٷرگٸزٸپ جاتىر. جوسپارعا سەيكەس, بٸر ستانتسييانىڭ جۇمىسى 29 شٸلدەدە قايتا ٸسكە قوسىلادى. ال بارلىق اۆتوموبيل گاز تولتىرۋ كومپرەسسورلىق ستانتسييالارىنىڭ قالىپتى جۇمىسى 31 شٸلدەگە دەيٸن تولىق قالپىنا كەلتٸرٸلەدٸ دەپ جوسپارلانعان.
"بٸر ستانتسييانى 29 شٸلدەدە ٸسكە قوسۋ, ال بارلىق اگتكس-تٸڭ جۇمىسىن تولىق قالپىنا كەلتٸرۋ 31 شٸلدەگە دەيٸن جوسپارلانىپ وتىر", - دەلٸنگەن ەكٸمدٸك جاۋابىندا.
وسىعان بايلانىستى الماتى قالاسىنىڭ ەكٸمدٸگٸ تۇرعىنداردان ۋاقىتشا قولايسىزدىقتار ٷشٸن كەشٸرٸم سۇراپ, قوعامدىق كٶلٸكپەن جولعا شىعار الدىندا قوزعالىس كەستەسٸندەگٸ ىقتيمال ٶزگەرٸستەردٸ ەسكەرۋگە شاقىردى.
