Almatynyń Túrksib aýdanynda 33 zańsyz ornatylǵan statsionarlyq emes saýda nysany (SESN) men 16 oiyn avtomaty (silomer) buzyldy, – dep habarlaidy Dalanews.kz
Atap aitqanda, Bekmahanov kóshesi, 88v mekenjaiyndaǵy, sondai-aq Jas Qanat shaǵyn aýdany, 287/2 jáne 189, Juldyz shaǵyn aýdany, 55/3 mekenjailaryndaǵy zańsyz dúńgirshekter súrildi.
Bul jumys Almaty qalasynyń ákimi Erbolat Dosaevtyń tapsyrmasymen bastalǵan zańsyz ornatylǵan SESN-di joiý naýqany aiasynda júzege asyrylýda.
«Kóktem keldi, bárimiz qalamyzdy taza, kórkem ári gúldengen kúide kórgimiz keledi. Dúńgirshekter men kúsh ólsheýishterdiń retsiz ornalasýyna jol bermeý kerek. Olardyń zańdylyǵyn tekserý men retteý – durys sheshim», – deidi Almaty turǵyny Aitolqyn Tolǵanai.
Eske salaiyq, 2025 jyldyń 4 aqpanynan bastap Almatyda Kásipkerlik jáne investitsiialar basqarmasy Jumys tobymen birlesip, kóshe saýdasy nysandaryn joiýǵa kirisken bolatyn.
Búginde Almatyda memlekettik qor jerinde ornalasqan 306 zańsyz statsionarlyq emes saýda nysany buzyldy.
Qalǵan 139 SESN-di buzý jumystary osy jyldyń 31 naýryzyna deiin aiaqtalady.
Kommýnaldyq qyzmet bul nysandardyń zańsyz qosylǵan injenerlik jelilerin ajyratý jumystaryn jalǵastyryp otyr.
Sonymen qatar, qala aýmaǵynda jer ýchaskesine berik bekitilgen 32 kapitaldy qurylys anyqtaldy. Jumys toby olardy májbúrlep buzý úshin sotqa talap aryzdaryn joldaýdy bastady.
Buǵan qosa, osy jumys aiasynda 222 oiyn-saýyq apparaty (kúsh ólsheýishter) buzyldy.
