Jyl sońyna deiin Almatynyń Naýryzbai aýdanynda 5 jańa mektep salynady. Bul týraly Almaty ákimi Erbolat Dosaev Naýryzbai aýdanynyń turǵyndarymen kezdesý barysynda málimdedi.
Olardyń biri-1200 oryndyq mektep osy qyrkúiekte ashylady. Nysan «Alem Siti» TK janynda ornalasqan. Aita keteiik, joba «jaily mektep» Ulttyq jobasy aiasynda júzege asyryldy.
Jalpy syiymdylyǵy 6700 oryndyq qalǵan tórt mektep osy jyldyń sońyna deiin salynady.
2025 jyldyń aqpan aiynda «Shuǵyla» sh/a №174 mektepke 375 oqýshy oryndyq qosymsha qurylysty aiaqtaý josparlanýda.
Sonymen qatar, «Mektep avtobýsy» jobasy aiasynda 2023 jyldan bastap Naýryzbai aýdanynyń 2800 oqýshysyna oqý ornyna jetý qiyn bolǵan 7 mektepke 33 avtobýs bólindi. Jańa oqý jylynyń basynan bastap 3200 oqýshyny qamti otyryp, avtobýstar sanyn 42 birlikke deiin ulǵaitý josparlanýda.
Naýryzbai aýdanynda barlyǵy 29 mektep bar, onda 29 858 oqýshy oqidy. Búgingi tańda 3 626 oqýshy orny tapshy.
Aýdannyń mektepke deiingi mekemelerinde oryn tapshylyǵyn tómendetý máseleleri de sheshilýde. Atap aitqanda, 2024 jyldyń qyrkúieginde «Shuǵyla» sh/a 320 oryndyq balabaqshany paidalanýǵa berý josparlanýda.
Aǵymdaǵy jyldyń sońyna deiin Quramys jáne Shuǵyla shaǵyn aýdandarynda jalpy syiymdylyǵy 640 oryndyq taǵy eki jańa balabaqshanyń qurylysyn aiaqtaý josparlanýda.
Aýdanda barlyǵy 7 296 balany qamtityn 139 balabaqsha bar.
