Ál-Farabi atyndaǵy Qazaq ulttyq ýniversitetinde stýdent qyzdardyń jeke derekteri tarap ketken. Ǵylym jáne joǵary bilim ministri Saiasat Nurbek oqiǵaǵa qatysty pikir bildirdi, dep habarlaidy Dalanews.kz.
Buǵan deiin WhatsApp jelisinde atalmysh ýniversitettiń stýdent qyzdarynyń aty-jónderimen birge JSN, uialy nómirleri jáne meditsinalyq málimetteri tarap ketken bolatyn. Munda qyzdardyń páktigi týraly aqparattar da kórsetilgen.
Osy tusta Saiasat Nurbek bul oqiǵaǵa qatysty óz pikirin bildire otyryp, jeke jáne meditsinalyq sipattaǵy derekterdi berý zań buzýshylyq ekenin atap ótti.
"Bul tikelei zań buzýshylyq. Sondyqtan másele baqylaýǵa alyndy. Kináliler qoldanystaǵy zańnama aiasynda jazalanady. Jeke derekterdi qorǵaý týraly zań bar. Bul ákimshilik quqyq buzýshylyq týraly másele bolyp otyr", - dedi Saiasat Nurbek kýlýarda.
Ministrdiń pikirinshe, bul jeke derekterge salǵyrttyq tanytqannan týyndap otyr.
"Máseleni zańmen qatańyraq retteý kerek. Jalpy, bul mádeni másele. Ýniversitette mundai faktilerdiń bar ekeni qynjyltady. Jeke derekter óte qupiia aqparat bolyp tabylady", - dep túsindirdi Saiasat Nurbek.
