ءال-فارابي اتىنداعى قازاق ۇلتتىق ۋنيۆەرسيتەتىندە ستۋدەنت قىزداردىڭ جەكە دەرەكتەرى تاراپ كەتكەن. عىلىم جانە جوعارى ءبىلىم ءمينيسترى ساياسات نۇربەك وقيعاعا قاتىستى پىكىر ءبىلدىردى، دەپ حابارلايدى Dalanews.kz.
بۇعان دەيىن WhatsApp جەلىسىندە اتالمىش ۋنيۆەرسيتەتتىڭ ستۋدەنت قىزدارىنىڭ اتى-جوندەرىمەن بىرگە جسن، ۇيالى نومىرلەرى جانە مەديسينالىق مالىمەتتەرى تاراپ كەتكەن بولاتىن. مۇندا قىزداردىڭ پاكتىگى تۋرالى اقپاراتتار دا كورسەتىلگەن.
وسى تۇستا ساياسات نۇربەك بۇل وقيعاعا قاتىستى ءوز پىكىرىن بىلدىرە وتىرىپ، جەكە جانە مەديسينالىق سيپاتتاعى دەرەكتەردى بەرۋ زاڭ بۇزۋشىلىق ەكەنىن اتاپ ءوتتى.
"بۇل تىكەلەي زاڭ بۇزۋشىلىق. سوندىقتان ماسەلە باقىلاۋعا الىندى. كىنالىلەر قولدانىستاعى زاڭناما اياسىندا جازالانادى. جەكە دەرەكتەردى قورعاۋ تۋرالى زاڭ بار. بۇل اكىمشىلىك قۇقىق بۇزۋشىلىق تۋرالى ماسەلە بولىپ وتىر"، - دەدى ساياسات نۇربەك كۋلۋاردا.
ءمينيستردىڭ پىكىرىنشە، بۇل جەكە دەرەكتەرگە سالعىرتتىق تانىتقاننان تۋىنداپ وتىر.
"ماسەلەنى زاڭمەن قاتاڭىراق رەتتەۋ كەرەك. جالپى، بۇل مادەني ماسەلە. ۋنيۆەرسيتەتتە مۇنداي فاكتىلەردىڭ بار ەكەنى قىنجىلتادى. جەكە دەرەكتەر وتە قۇپيا اقپارات بولىپ تابىلادى"، - دەپ ءتۇسىندىردى ساياسات نۇربەك.
