"Jer silkinisi bolǵan kezde ony anyqtaityn stantsiialar 5 baldan assa ǵana sirenalar qosylady. Sebebi 6 baldan bastap zardap shekkender de, buzylǵan ǵimarattar da bolýy múmkin", - deidi TJD basshysy.
Sonymen qatar, TJD almatylyqtarǵa jer silkinisi týraly SMS nelikten aldyn ala kelmegenin túsindirdi.
"Habarlamalardy jedel jiberý kezinde, tájiribe kórsetkendei, habarlamalar boiynsha málimetter turǵyndarǵa kesh keledi. Sebebi halyqtyń tyǵyzdyǵy úlken. Uialy jeli operatorlarynyń bul aqparatty óńdep úlgermeidi. Tiisinshe jedel aqparat kesh keledi", - deidi TJD basshysy.
Aita keteiik, 23 qańtarda Almatyda jer silkinisi boldy. Qazaqstan Respýblikasy Tótenshe jaǵdailar ministrligi “NTTsSN i I” seismikalyq stantsiialar jelisi Almaty ýaqyty boiynsha saǵat 2024 jylǵy 23 qańtarda saǵat 00:09:02-de (2024 jylǵy 22 qańtarda Grinvich boiynsha 18 saǵat 09 min 02 sek) jer silkinisi tirkelgenin habarlady. Jer silkinisi MSK-64 shkalasy boiynsha Almatyda 5 ball, Shymkent 2 ball bolyp sezilgen.
Artynsha jer silkinisi taǵy da sezildi. Kóp uzamai jer silkinisiniń úshinshi tolqyny sezildi.
Sýret: pexels.com
