Almatylyq tanymal azamattar jastardy vaktsina alýǵa shaqyrdy
«Almaty Menedjment Ýniversiteti» shyǵarmashylyq indýstriia ortalyǵynyń direktory Dana Shaiahmet pen rejisser, QR eńbek sińirgen qairatkeri Qarlyǵash Ájieva almatylyq jastardy ekpe alýǵa shaqyrdy.
Vaktsinatsiia búginde COVID-19 jáne onyń zardaptarynan qorǵanýdyń jalǵyz quraly bolyp qala beredi.
– Joldasymyz ekeýmiz birinshi kezekte otbasymyzǵa vaktsina saldyrdyq. Óitkeni biz, óz otbasymyzdyń jas músheleri retinde, úlkenderdiń densaýlyǵyna jaýaptymyz. Eger olarda qarsy kórsetilimder nemese qaýip-qaterler bolsa, onda biz immýnitetimizge senimdimiz jáne vaktsinany alýǵa jáne jaqyndarymyzdyń densaýlyǵyn saqtaýǵa múmkindigimiz bar. Vaktsinatsiia – qazir bárimiz úshin durys sheshim, – dedi Dana Shaiahmet.
[video width="480" height="848" mp4="https://dalanews.kz/wp-content/uploads/2021/08/45.mp4"][/video]
Ótken táýlikte 5 153 adam birinshi komponentpen vaktsinalandy, al 6 276 adamǵa ekinshi komponentpen. Barlyǵy 828 376 adam barlyq kezeń boiynsha I komponentpen, al 655 235 adam II komponentpen egildi. Eldegi vaktsinatsiia kórsetkishi boiynsha Almaty qalasy kósh bastap tur. Soǵan qaramastan ujymdyq immýnitetti qalyptastyrý boiynsha jumys aiaqtalǵan joq. Almaty turǵyndary úshin vaktsinalardyń qoljetimdiligi qamtamasyz etilgen jáne barlyq jaǵdai jasalǵan. Qalada meditsinalyq uiymdarda, mektepterde, mádeniet jáne sport nysandarynda, bazarlarda jáne qalanyń SOSO-da 160 ekpe pýnkti bar (250-ge deiin ulǵaitý múmkindigimen). 1 028 adamnan turatyn 237 ekpe brigadasy jumyldyryldy.
Koronavirýstyq infektsiiamen aýyrǵan rejisser, QR eńbek sińirgen qairatkeri Qarlyǵash Ájieva qala turǵyndaryn kúrdeli epidemiologiialyq ahýaldy jeńý úshin ekpe alýǵa shaqyrdy.
[video width="480" height="848" mp4="https://dalanews.kz/wp-content/uploads/2021/08/46.mp4"][/video]
– Men rejissermin, prodiýserlik ortalyqtyń jetekshisimin, tárbieshimin, muǵalimmin. Men ekinshi jyl boiy biz súiikti isimizben ainalysa almaǵanymyzǵa asa qapalanamyn. Biz adamdardy baqytty ete alamyz, olarǵa mádeniet ákelemiz, án aitamyz, kóńil-kúilerin kóteremiz. Jáne bul oryndalmai jatqany ókinishti. Óitkeni oiǵa qonymsyz nárseler bolyp jatyr – sheksiz karantin adamdardyń vaktsinalanýǵa belsendi túrde barmaýynan, – dedi Qarlyǵash Ájieva.
Onyń aitýynsha, ol koronavirýspen aýyrǵan jáne aýrýdyń qanshalyqty qaýipti ekenin biledi.
– Aýrýdan keiingi ýaqyt aralyǵyn eńsere otyryp, erteń men vaktsina alýǵa baramyn. Sebebi jumys jasaǵanymyzdy, kezdeskenimizdi qalaimyn, tek áleýmettik jelilerde otyrǵandy qalamaimyn, bárimiz odan sharshadyq. Sondyqtan men barlyq azamattardy vaktsinalanýǵa shaqyramyn, – dep túiindedi sózin Qarlyǵash Ájieva.
