Almaty politsiiasy júrgizýshilerge eki ai burynǵy aiyppuldardyń kelýine qatysty pikir bildirdi, dep habarlaidy Dalanews.kz zakon.kz-ke siltep.
Qazaqstan Respýblikasy ákimshilik quqyq buzýshylyq týraly kodeksiniń 62-babynyń talaptaryna sáikes, ákimshilik jaýapkershilikke tartýdyń eskirý merzimi 2 aidy quraidy.
Avtomatty esepke alý júielerimen ákimshilik quqyq buzýshylyq tirkelse, aiyppuldy tóleý qajettigi týraly uiǵarym jiberilgen kezden bastap is qozǵalǵan bolyp esepteledi.
Quqyq buzýshylyq týraly sms-habarlama aiyppuldy tóleý qajettigi týraly uiǵarym shyǵarylǵannan keiin Bas prokýratýranyń quqyqtyq statistika jáne arnaiy esepke alý jónindegi komitetiniń "Ákimshilik is júrgizýdiń biryńǵai tizilimi" aqparattyq júiesimen avtomatty túrde jiberiledi.
Osylaisha, quqyq buzýshy tiisti túrde habardar etilse, aiyppuldy tóleý týraly uiǵarym mindetti túrde oryndalýǵa jatady. Sonymen qatar Qazaqstan Respýblikasynyń ákimshilik quqyq buzýshylyq týraly kodeksiniń 811-babynyń erejelerine sáikes, aiyppuldy tóleý qajettigi týraly uiǵarym tiisti túrde jetkizilgen sátten bastap, azamat jeti kúnniń ishinde, kórsetilgen aiyppul somasynyń elý paiyzy mólsherinde tóleýge quqyly.
Ákimshilik aiyppuldyń mólsheri ákimshilik quqyq buzýshylyq týraly is qozǵalǵan kezde qoldanysta bolǵan ailyq eseptik kórsetkishke sáikes keledi.
Aiyppuldy tóleý týraly uiǵarym buzýshylyq tirkelgen kúnnen bastap 10 kún ishinde kólik quralynyń iesine belgilengen úlgidegi túbirtekpen jiberiletini týraly taratylyp jatqan aqparat shyndyqqa janaspaitynyn aita ketý kerek.
Osy jaǵdaida keibir azamattar Qazaqstan Respýblikasynyń ákimshilik quqyq buzýshylyq týraly kodeksiniń 822-babynyń talaptaryn qate túsindirýde.
