Almaty qalasynyń prokýratýrasy kámeletke tolmaǵandardyń aliment alý quqyǵyn qorǵaý jóninde belsendi jumysty jalǵastyrýda, dep habarlaidy Dalanews.kz.
Prokýratýra aliment boiynsha 1 741 757 teńge qaryzy bar, kazinodan 4 million teńgeden astam utys alǵan, biraq úsh aidan astam ýaqyt boiy mindettemelerin oryndaýdan qasaqana jaltarǵan boryshkerdi anyqtady.
Kámeletke tolmaǵandardyń isteri jónindegi mamandandyrylǵan aýdanaralyq sottyń úkimimen ol QR QK-niń 139-babynda kózdelgen qylmystyq quqyq buzýshylyqty jasaǵany úshin kináli dep tanylyp, bir jylǵa bas bostandyǵyn shekteýge sottalǵan.
Taǵy bir boryshkerge qatysty osyǵan uqsas buzýshylyq anyqtaldy, ol resmi jumyspen qamtylýyna jáne 3 099 255 teńge mólsherindegi bereshegi baryna qaramastan aliment tólemegen. Sot ony kináli dep tanyp, bir jylǵa bas bostandyǵyn shekteý túrindegi jaza taǵaiyndady.
Jalpy, qala prokýratýrasynyń bastamasymen aliment tóleýden qasaqana jaltarý faktileri boiynsha 14 sotqa deiingi tergep-tekserý bastaldy, onyń 11-i aiyptaý úkimin shyǵaryp, aiaqtaldy.
Sondai-aq Áýezov aýdanynyń prokýratýrasy uiymdardyń basshylary men býhgalterleri tarapynan alimentterdi qyzmetkerlerdiń jalaqysynan óndirip alý týraly sot oryndaýshylarynyń qaýlylaryn oryndamaǵan nemese tiisti málimetter bermegeni jóninde buzýshylyq faktilerin anyqtady.
Nátijesinde 10 býhgalter men uiym basshylary aiyppul túrinde ákimshilik jaýaptylyqqa tartyldy.
Almaty qalasynyń prokýratýrasy, kámeletke tolmaǵan balalardy kútip-baǵý mindeti ata-analarǵa júktelgenin eske salady.
Aliment tóleýden jaltarý ákimshilik (QR ÁQBtK-niń 669-baby) jáne qylmystyq (QR QK-niń 139-baby) jaýaptylyqqa ákep soǵady.
