– Halyqtyń basym bóligi vaktsinalanbaiynsha, biz indetti jeńýge kómektesetin ujymdyq immýnitetke qoljetkize almaimyz. Koronavirýstyq infektsiiaǵa qarsy vaktsina bizdiń densaýlyǵymyzdy, jaqyndarymyzdyń densaýlyǵyn saqtaý jáne adamdardy qalypty ómir saltyna qaitarý úshin jasalǵan, – dedi Gúljainat Tilegen.
Dárigerdiń aitýynsha, vaktsinalanbaǵan naýqastyń jaǵdaiy aýyr bolady, keiinnen aǵza nasharlaidy, infektsiia tasymaldaýshysyna ainalýy ári qaiǵyly jaǵdaiǵa dýshar bolýy múmkin.
– Adamdar KVI-ge qarsy vaktsinatsiiadan keiin aýyryp qalǵan jekelegen jaǵdailar bar. Biraq eger adam virýsqa qarsy immýnitetke ie bolsa, immýnitet virýsty óltiredi. Aýrýdan 100% qorǵai alatyn birde-bir vaktsina joq. Degenmen, COVID-19 vaktsinasy qorǵanýdyń tiimdi ádisi. Óitkeni, vaktsinalanǵan patsientterdiń aýrýy jeńil ári simptomsyz bolady. Dert asqynbaidy, qaiǵyly jaǵdai bolmaidy, – deidi Gúljainat Tilegen.
Bas dáriger vaktsinalanǵan adamdardyń aýrýǵa shaldyǵýynyń sebepteriniń biri vaktsinatsiiadan keiingi kezeń dep sanaidy, óitkeni ekinshi komponent engizilgennen keiin immýnitetti qalyptastyrý úshin ortasha eseppen 3 apta úzilis qajet. Sonymen qatar, koronavirýstyq infektsiianyń aldyn alý sharalaryn saqtaý mańyzdy ról atqarady. Biraq Gúljainat Tilegenniń aitýynsha, kóptegen naýqastar vaktsinany alǵannan keiin qorǵanysty sezinedi jáne koronavirýstyq infektsiiaǵa qarsy barlyq qaýipsizdik sharalaryn tolyq oryndaýdan bas tartady.
Dáriger immýnitetti tek vaktsina ǵana emes, ómir salty, durys tamaqtaný, uiqy qalyptastyratynyn aitty.
– Sondyqtan biz barlyq naýqastardy vaktsina alýǵa jáne meditsinalyq qyzmetkerlerdiń barlyq usynystaryn oryndaýǵa shaqyramyz – adamdar kóp jinalatyn jerlerden aýlaq bolyp, betperde taǵý qajet, – dedi Gúljainat Tilegen.
