– حالىقتىڭ باسىم بولىگى ۆاكسينالانبايىنشا، ءبىز ىندەتتى جەڭۋگە كومەكتەسەتىن ۇجىمدىق يممۋنيتەتكە قولجەتكىزە المايمىز. كوروناۆيرۋستىق ينفەكسياعا قارسى ۆاكسينا ءبىزدىڭ دەنساۋلىعىمىزدى، جاقىندارىمىزدىڭ دەنساۋلىعىن ساقتاۋ جانە ادامداردى قالىپتى ءومىر سالتىنا قايتارۋ ءۇشىن جاسالعان، – دەدى گۇلجاينات تىلەگەن.
دارىگەردىڭ ايتۋىنشا، ۆاكسينالانباعان ناۋقاستىڭ جاعدايى اۋىر بولادى، كەيىننەن اعزا ناشارلايدى، ينفەكسيا تاسىمالداۋشىسىنا اينالۋى ءارى قايعىلى جاعدايعا دۋشار بولۋى مۇمكىن.
– ادامدار كۆي-گە قارسى ۆاكسيناسيادان كەيىن اۋىرىپ قالعان جەكەلەگەن جاعدايلار بار. ءبىراق ەگەر ادام ۆيرۋسقا قارسى يممۋنيتەتكە يە بولسا، يممۋنيتەت ۆيرۋستى ولتىرەدى. اۋرۋدان 100% قورعاي الاتىن بىردە-بىر ۆاكسينا جوق. دەگەنمەن، COVID-19 ۆاكسيناسى قورعانۋدىڭ ءتيىمدى ءادىسى. ويتكەنى، ۆاكسينالانعان پاسيەنتتەردىڭ اۋرۋى جەڭىل ءارى سيمپتومسىز بولادى. دەرت اسقىنبايدى، قايعىلى جاعداي بولمايدى، – دەيدى گۇلجاينات تىلەگەن.
باس دارىگەر ۆاكسينالانعان ادامداردىڭ اۋرۋعا شالدىعۋىنىڭ سەبەپتەرىنىڭ ءبىرى ۆاكسيناسيادان كەيىنگى كەزەڭ دەپ سانايدى، ويتكەنى ەكىنشى كومپونەنت ەنگىزىلگەننەن كەيىن يممۋنيتەتتى قالىپتاستىرۋ ءۇشىن ورتاشا ەسەپپەن 3 اپتا ءۇزىلىس قاجەت. سونىمەن قاتار، كوروناۆيرۋستىق ينفەكسيانىڭ الدىن الۋ شارالارىن ساقتاۋ ماڭىزدى ءرول اتقارادى. ءبىراق گۇلجاينات تىلەگەننىڭ ايتۋىنشا، كوپتەگەن ناۋقاستار ۆاكسينانى العاننان كەيىن قورعانىستى سەزىنەدى جانە كوروناۆيرۋستىق ينفەكسياعا قارسى بارلىق قاۋىپسىزدىك شارالارىن تولىق ورىنداۋدان باس تارتادى.
دارىگەر يممۋنيتەتتى تەك ۆاكسينا عانا ەمەس، ءومىر سالتى، دۇرىس تاماقتانۋ، ۇيقى قالىپتاستىراتىنىن ايتتى.
– سوندىقتان ءبىز بارلىق ناۋقاستاردى ۆاكسينا الۋعا جانە مەديسينالىق قىزمەتكەرلەردىڭ بارلىق ۇسىنىستارىن ورىنداۋعا شاقىرامىز – ادامدار كوپ جينالاتىن جەرلەردەن اۋلاق بولىپ، بەتپەردە تاعۋ قاجەت، – دەدى گۇلجاينات تىلەگەن.
