2022 jyldyń 9 aiynda Almaty qalasynyń negizgi kapitalyna salynǵan investitsiia 22,1%-ǵa ósimmen 974 mlrd teńgeni qurady, dep habarlaidy Dalanews.kz.
Ekonomikalyq zertteýler institýtynyń málimetteri boiynsha, respýblikadaǵy investitsiia ósimi nebári 7 paiyzdy quraidy.
Qalanyń investitsiia úshin eń tartymdy sektorlary «jyljymaityn múlik operatsiialary» (turǵyn úi qurylysy) jáne «kólik jáne qoima sharýashylyǵy» bolyp tabylady, olarǵa barlyq qalalyq investitsiialardyń shamamen 61%-y baǵyttaldy.
Ekonomisterdiń pikirinshe, dál osy salalar ósýdiń draiverleri bolyp tabylady. Osylaisha, jyljymaityn múlik operatsiialaryna salynǵan investitsiia 352-den 456 milliard teńgege, kólik pen qoimaǵa 91 milliard teńgeden 143 milliard teńgege deiin ósti.
Eger birinshi baǵyt boiynsha ósim qalada turǵyn úi qurylysy qarqynynyń 11%-ǵa deiin ulǵaiýymen qatar júrse (2022 jyldyń 9 aiynda Almatyda 1,5 mln. sharshy metr turǵyn úi salyndy), onda kólik jáne qoimalar, ósim joldardy jáne áýejaidy jóndeý jumystaryna salynǵan investitsiiamen aqtaldy, – deidi mamandar.
Sonymen qatar, bilim berý salasyna investitsiianyń aitarlyqtai ósýi baiqalady – orta jáne joǵary bilim berýge, kóterme jáne bólshek saýdaǵa investitsiialardyń ósýi esebinen.
Bul rette qala investitsiiasynyń 70 paiyzy investorlar men kásipkerlerdiń jeke qarajaty esebinen tartylyp, 9 aida 35 paiyzǵa – 500-den 677 milliard teńgege deiin ósti.
Memlekettik biýdjetten tartylǵan investitsiia 28 paiyzǵa ósip, 157 milliard teńgeni qurasa, qaryz qarajaty nebári 8 paiyzǵa ósip, 140 milliard teńgege jetken.
Qala investitsiiasynyń 71 paiyzyn shaǵyn kásiporyndar qamtamasyz etip, onyń negizgi kapitalyna salynǵan investitsiia 57 paiyzǵa ósip, 688 milliard teńgeni qurady.
Qalanyń iri kásiporyndary investitsiia kólemin 83 paiyzǵa ulǵaityp, 220 milliard teńgege, al orta kásiporyndar 31 paiyzǵa ósip, 66 milliard teńgege jetti.
Sondai-aq ERI 4 jyl ishinde ońtústik astanaǵa salynǵan investitsiia eki esege óskenin atap ótti: 2018 jyldyń qańtar-qyrkúiegindegi 489 milliard teńgeden 2022 jyldyń qańtar-qyrkúieginde 974 milliard teńgege deiin.
