Ásel Qalyqova jaqynda Almatyǵa Pfizer vaksınasynyń alǵashqy partıasy jetkizilgenin atap ótti. Ázirge ol halyqtyń tek úsh sanatyna arnalǵan-jasóspirimderge, júkti jáne bala emizetin áıelderge. Almaty úshin vaksınalanýdyń birinshi jáne ekinshi komponentiniń 46 800 dozasy satyp alyndy, bul kólem QR halqyn jappaı vaksınalaýdy aıaqtaýǵa múmkindik beredi.
– Vaksınalar Qoǵamdyq densaýlyq basqarmasynyń ortalyqtandyrylǵan qoımasyna kelip tústi, búgin jáne erteń ony medısınalyq uıymdarǵa beredi. Búginde bul vaksınany saqtaý jáne tasymaldaý týraly naqty nusqaýlar bar. Barlyq daıyndyq jumystary júrgizildi, muzdatqysh jabdyqtar men shprıster satyp alyndy, medısınalyq qyzmetkerler vaksınany qoldaný boıynsha oqytyldy, – dep habarlady SEBD basshysynyń orynbasary.
Alǵashynda 16 jastan 18 jasqa deıingi jasóspirimder koronavırýsqa qarsy egiledi, sodan keıin basqa jastaǵy toptardyń balalary – 15, 14, 13 jáne 12 jastaǵylar.
– Búginde ata-analary balalaryn vaksınalaýǵa kelisim bergen jasóspirimderdiń tizimi jasaldy. Kún saıyn bul kórsetkish turaqty ósýde. Oqý ornynda da, medısınalyq uıymdarda da vaksınasıalaýǵa bolady. Árbir mekteptiń medısınalyq kabıneti bar, sondyqtan mektepterde vaksınasıalaý múmkindigi bar, ony emhanalardan kóshpeli brıgadalardyń dárigerleri júrgizetin bolady, – dep túsindirdi Ásel Qalyqova.
QDB ókili Sultanǵazıevanyń málimetinshe, búginde Almatyda 12 jastan 18 jasqa deıingi 170 myńnan astam jasóspirim bar.
– Ata-analardyń 20% -ǵa jýyǵy kelisti, al bul 30 myńnan astam bala. Vaksına 20 qalalyq emhanaǵa jiberiledi, sodan keıin dárigerler mektepterden málimetterdi jınaıdy. Vaksınalýdan buryn mindetti tekserýden ótedi, al balany basqa kabınette vaksınalaǵannan keıin jarty saǵat ishinde ekinshi dáriger baqylaıtyn bolady, – dedi Svetlana Sultanǵazıeva.
Aıta keterligi, vaksına mektepterde saqtalmaıdy, ol tizimge sáıkes jetkiziledi.
Svetlana Sultanǵazıeva qazirdiń ózinde elde 20-dan astam júkti áıelderdi vaksınalý bastalǵanyna nazar aýdardy.
– Eń aldymen kóptegen zertteýler júrgizilgen. Koronavırýstyń fonynda asqynýlar bolǵan áıelder boldy. Biz júkti áıelderdi 16-dan 37 aptaǵa deıin eki komponentten vaksınalaýdy usynamyz. Sondaı-aq, áıelderge laktasıa kezinde bosanǵannan keıin 42 kún ótken soń vaksınalaý usynylady, – dedi ol.
Pfizer preparatyn saldyrǵysy keletinderdiń barlyǵy turǵylyqty jeri boıynsha emhanalarǵa baryp, tirkelýi kerek. Vaksınanyń qosymsha dozalary bolǵan kezde olar vaksınalanady nemese qaıta egiledi.
Pfizer vaksınasy DDU-ǵa shuǵyl qoldanýǵa ruqsat etilgen, vaksına AQSH, Ulybrıtanıa, Kanada jáne EO-da qoldanylady. Onyń tıimdiligi 95%-dy quraıdy. Bul – Qazaqstanda tirkelgen altynshy vaksına.
