Almatyǵa 10 naýryzda keshke jaýa bastaǵan qar 11 naýryz tańǵa deiin jalǵasty, dep habarlaidy Dalanews.kz.
Qazgidromet málimetine sáikes qalada shamamen 27 sm qar jaýǵan.
"Qar jaýa bastaǵan alǵashqy saǵattan bastap kommýnaldyq qyzmet kúsheitilgen rejimde jumys istep jatyr. Qala kóshelerinde 75 jedel brigada, 2710 jol jumysshysy, 1225 arnaiy tehnika jumyldyrylǵan. 200-den asa tehnika jolǵa kóktaiǵaqqa qarsy material seýip júr. Osydan keiin tehnika 28 kolonnaǵa biriktirilip, magistraldyq kóshelerdi tazalaýǵa kirisedi. Sinoptikterdiń boljamynsha, 11 naýryzda kúndiz jaýyn-shashyn jaýmaidy. Aýa temperatýrasy –6…–8°S shamasynda bolyp, keiin taǵy tómendeidi", - dep jazylǵan habarlamada.
Qala turǵyndarynan jolda saq bolý, qar tazalaityn tehnikanyń jumysyna kedergi keltirmeý úshin kólikterin kóshe boiyna qoimaý suraldy.
