الماتىعا 10 ناۋرىزدا كەشكە جاۋا باستاعان قار 11 ناۋرىز تاڭعا دەيىن جالعاستى، دەپ حابارلايدى Dalanews.kz.
قازگيدرومەت مالىمەتىنە سايكەس قالادا شامامەن 27 سم قار جاۋعان.
"قار جاۋا باستاعان العاشقى ساعاتتان باستاپ كوممۋنالدىق قىزمەت كۇشەيتىلگەن رەجيمدە جۇمىس ىستەپ جاتىر. قالا كوشەلەرىندە 75 جەدەل بريگادا، 2710 جول جۇمىسشىسى، 1225 ارنايى تەحنيكا جۇمىلدىرىلعان. 200-دەن اسا تەحنيكا جولعا كوكتايعاققا قارسى ماتەريال سەۋىپ ءجۇر. وسىدان كەيىن تەحنيكا 28 كولونناعا بىرىكتىرىلىپ، ماگيسترالدىق كوشەلەردى تازالاۋعا كىرىسەدى. سينوپتيكتەردىڭ بولجامىنشا، 11 ناۋرىزدا كۇندىز جاۋىن-شاشىن جاۋمايدى. اۋا تەمپەراتۋراسى –6…–8°س شاماسىندا بولىپ، كەيىن تاعى تومەندەيدى"، - دەپ جازىلعان حابارلامادا.
قالا تۇرعىندارىنان جولدا ساق بولۋ، قار تازالايتىن تەحنيكانىڭ جۇمىسىنا كەدەرگى كەلتىرمەۋ ءۇشىن كولىكتەرىن كوشە بويىنا قويماۋ سۇرالدى.
