Jelide Almatydan Bangkokqa ushýy tiis bolǵan ushaq bortyndaǵy jolaýshylar arasyndaǵy tóbeles túsirilgen video tarady, dep habarlaidy Dalanews.kz.
Kadrlardan er adamdardyń biriniń ekinshisin uryp jatqanyn, al ainalasyndaǵylardyń janjaldy toqtatýǵa tyrysyp jatqanyn kórýge bolady.
Áleýmettik jelilerde jariialanǵan aqparatqa sáikes, oqiǵa Air Astana áýe kompaniiasynyń reisinde bolǵan.
«Almatydan Bangkokqa ushatyn Air Astana reisiniń bortynda tóbeles boldy. Ushar aldynda mas kúidegi eki jolaýshy janjaldasyp, tóbeleske ulasqan. Demalysyn olar Almaty qalasynyń jelilik politsiia bóliminde jalǵastyrdy, al reis bir saǵatqa keshigip, eki jolaýshysyz Tailandqa ushyp ketti», – delingen habarlamada.
Kóliktegi politsiia departamentiniń baspasóz qyzmeti oqiǵa bolǵanyn rastady.
«Almaty qalasynyń áýejaiynda Almaty – Bangkok baǵytyndaǵy reisten jelilik politsiia bóliminiń qyzmetkerleri shetel memleketteriniń tórt azamatyn túsirdi. Olardyń ekeýi alkogoldik masań kúide bolǵan. Aralarynda janjal týyndap, ol tóbeleske ulasqan», – dep habarlady departament.
Politsiia málimetinshe, áýe kemesiniń bortynda buzaqylyq jasaý faktisi boiynsha qylmystyq is qozǵalǵan.
«Áýe kemesiniń bortynda buzaqylyq áreketter jasaǵany úshin qylmystyq is tirkeldi. Quqyq buzýshylardyń ekeýi ýaqytsha ustaý izoliatoryna qamaldy. QR QPK-niń 201-babyna sáikes ózge aqparat jariialaýǵa jatpaidy», – dep naqtylady baspasóz qyzmeti.
Kóliktegi politsiia agressivti minez-qulyq pen kóliktegi janjaldar asa aýyr quqyqbuzýshylyq bolyp sanalatynyn eske saldy.
«Kóliktegi jaǵdaidy turaqsyzdandyrýǵa baǵyttalǵan kez kelgen áreket eleýli qaýip retinde qarastyrylady, al kináliler zańnyń bar qatańdyǵymen jaýapqa tartylady», – dep atap ótti vedomstvo.
