Almatydan Qaskeleń men Uzynaǵashqa avtobýs marshrýty ashyldy, - dep habarlaidy Dalanews.kz.
Almaty megapolisiniń aglomeratsiiamen kólik bailanysyn nyǵaitý maqsatynda 1 qarashadan bastap taǵy úsh qala mańy marshrýty iske qosyldy.
№245 marshrýt: Uzynaǵash aýylynyń avtobeketinen – Tóle bi-Iassaýi avtobeketine deiin. Bul baǵytta úlken syiymdylyqtaǵy 25 avtobýs qyzmet kórsetedi. Qozǵalys ýaqyty: 5:45-ten 23:00-ge deiin. Tasymaldaýshy – «Ecobus service» JShS.
№254 marshrýt: Qaskeleń – «Sálem» bazary. Munda úlken syiymdylyqtaǵy 16 avtobýs jumys isteidi. Qozǵalys ýaqyty: 5:50-den 23:00-ge deiin. Tasymaldaýshy – «Mádina» JShS.
№239 marshrýt: «B.Momyshuly» metro beketi – Dolan aýyly. Bul baǵytta 18 avtobýs qyzmet kórsetedi. Qozǵalys ýaqyty: 5:30-dan 23:01-ge deiin. Tasymaldaýshy – «Neo City Trans» JShS.
Jol aqysy qala ishindegi siiaqty 120 teńge, barlyq avtobýs «Onay» elektrondy biletteý júiesimen jabdyqtalǵan.
Aita keteiik, byltyr megapolis basshysy Erbolat Dosaevtyń tapsyrmasymen 600 avtobýs pen 100 trolleibýs satyp alynyp, 50-ge jýyq eldi mekendi qamtityn 22 jańa baǵyt, sonyń ishinde 10 qala mańy marshrýty uiymdastyryldy. Biyl taǵy 600 avtobýs, 112 trolleibýs jáne 100 elektr avtobýsy satyp alyndy.
