Halyqpen eseptik kezdesýinen keiin Almaty qalasy ákimi Erbolat Dosaev qalanyń Áýezov aýdanyndaǵy «Tigrohaýd» bazaryn jańǵyrtý barysymen tanysty, – dep habarlaidy Dalanews.kz Almaty qalasy ákiminiń baspasóz qyzmetine silteme jasap.
Saýda orynyn jańǵyrtý satýshylar úshin de, satyp alýshylar úshin de qolaily boltyny sózsiz. Qazirgi tańda eki qabatty saýda ortalyǵynyń irgetasy quiylyp jatyr.
Jańǵyrtýdan keiin jumys ornynyń sany 100-den 160-qa deiin kóbeiedi.
Josparǵa sáikes, saýda nysanyna baratyn joldarǵa asfaltbeton, al kireberister, alańdar men joldarǵa trotýar plitasy tóseledi.
Jobada 40 kólikke arnalǵan turaq qarastyrylǵan. Sondai-aq, zamanaýi jeldetý, aýany baptaý jáne jaryqtandyrý júielerin ornatý, sanitarlyq toraptarǵa qoljetimdilikti qamtamasyz etý, demalys aimaqtaryn jailastyrý josparlanýda.
Qurylys-montaj jumystary 2024 jyldyń sáýir aiynda bastaldy. Ol 2025 jyldyń qazan aiynda aiaqtalady.
Qala basshysy qurylys barysyn aralaý barysynda irgeles aýmaqty abattandyrý men kógaldandyrýdy sapaly oryndaý mańyzdy ekenin atap ótip, Áýezov aýdanynyń ákimine qurylys jumystarynyń árbir kezeńiniń oryndalýyn baqylaýǵa alýdy tapsyrdy.
Ákim politsentristik damý aiasynda halyq osyndai saýda keshenderine qol jetkizýi tiis ekenin atap ótti.
«Tigrohaýd» firmasy» JShS Bas direktory Janar Qurabaeva qala ákimdigine alǵys aityp, ákimniń saýda ortalyǵynyń shatyryn paidalaný jónindegi usynysy jańǵyrtý jobasynda júzege asatynyn atady.
«Tigrohaýd» bazary 1992 jyly salynǵan. Qurylys salynǵan soń jóndeý jumystary tek 2000 jyly júrgizildi. Bazardy jańǵyrtý baǵdarlamasy aiasynda konteinerler órtke qarsy, sanitarlyq qaýipsizdik talaptaryna sáikes keletindei qolaily jaǵdai jasalyp, zamanaýi ǵimaratqa aýystyrylady. Jobaǵa salynǵan jeke investitsiianyń jalpy somasy 2,4 mlrd. teńgeden asady.
Aita ketetin nárse, búginde Almatyda saýda qyzmetin retteý týraly zańǵa sáikes 33 bazar jańǵyrtyldy, taǵy 9-y 2025 jylǵa deiin jańǵyrtýdan ótedi.
