Keıingi bir jyl ishinde Almatydaǵy sheteldik stýdentterdiń sany 45%-dan asty, dep habarlaıdy Dalanews.kz.

Almatynyń 35 joǵary oqý ornynda 236,1 myń stýdent oqıdy. Stýdentterdiń basym bóligi - elimizdiń basqa óńirlerinen kelgender jáne sheteldik azamattar. Bul týraly Almaty qalasy Jastar saıasaty basqarmasynyń ókilderi aıtty.

Al sheteldik stýdentterdiń basym kópshiligi ál-Farabı atyndaǵy Qazaq ulttyq ýnıversıtetinde oqıdy: 4,5 myń adam. Ekinshi orynda S. Asfendıarov atyndaǵy Qazaq ulttyq medısına ýnıversıteti. Munda 1,9 myń sheteldik stýdent bilim alyp júr, onyń ishinde 1,2 myń adam -(63,2%) úndi etnosynyń ókilderi.

Úzdik úshtik qatarynda Q. Sátbaev atyndaǵy Qazaq ulttyq tehnıkalyq zertteý ýnıversıteti bar. Bul oqý ornynda Túrkimenstannan kelgen 1,9 myń sheteldik stýdent bilim alyp júr. Abaı atyndaǵy Qazaq ulttyq pedagogıkalyq ýnıversıtetinde 1,8 myń sheteldik stýdent oqıdy.

"Keıingi bir jyl ishinde sheteldik stýdentter sany 45%-dan astamǵa ósti (17,1 myńnan 22,6 myńǵa deıin, ıaǵnı 5,5 myńǵa artty)", - dedi Almaty qalasy Jastar saıasaty basqarmasynyń basshysy Azız Qajdenbek.