Olımpıadany uıymdastyrýshylardyń qatarynda – Úıirme qozǵalysy jáne UTB «Platformasy», Reseıdiń Ǵylym jáne joǵary bilim, oqý-aǵartý mınıstrlikterimen birlesken Strategıalyq bastamalar agenttigi jáne reseılik venchýrlyq kompanıa bar. Jabylý saltanaty men jeńimpazdardy marapattaý Máskeýde ótti, jasandy ıntellekt salasyndaǵy úzdik oqýshylardy Sberbank Prezıdenti, Basqarma Tóraǵasy German Gref quttyqtady:
– Bes jyl buryn AI taqyrybynda sóılegen kezde shól daladaǵy jańǵyryq sekildi estiletin, al búgin AI — bul «elektr», ol qaıta órleý, jandaný kezeńinde. Biraq ǵylym, zertteý jáne praktıkalyq turǵydan qoldaný birdeı shamada kele jatyr. Qymbatty balalar, Sizder durys baǵytta jáne durys jolda kelesizder, durys ýaqytta jáne durys jerde ómir súrýdesizder. Alynǵan tájirıbe paıdaly bolaryna senimdimin.
Álemdegi eń bedeldi olımpıadalardyń birinde bes myńnan astam oqýshy kezdesti, baıqaýlar jasandy ıntellekt pen sý asty robototehnıkasynan bastap genomdyq óńdeý men VR tehnologıasyna deıin 28 tehnologıalyq beıinde ótkizildi. «Aqparattyq qaýipsizdik», «Jasandy ıntellekt», «Bıznes prosesterdi avtomattandyrý» eń tanymal IT profılder qatarynda boldy. Bıyl olımpıada jańa rekord ornatty – barlyq trekter boıynsha Reseıdiń 85 óńiri men shetelderden 110 000-nan astam bala qatysýǵa ótinim berdi.
– Fınalda qatysýshylar tek tehnologıalyq tapsyrmalardy ǵana sheship qoıǵan joq – oqýshylar aldynda jasandy ıntellekt, robototehnıka, ǵarysh ındýstrıasy salasyndaǵy jetekshi kompanıalarda jumys isteıtin mamandar aınalysatyn jańa syn- qaterler turdy. Joǵary synyp oqýshylary eresek áriptesteriniń oılarynan asyp túsetin qyzyqty sheshimderdi usyna bildi, – deıdi UTB «Jas mamandar» baǵyty dırektorynyń orynbasary Iýlıa Hanjına.
2021 jyly fınalıster eń kóp suranysqa ıe tehnologıalarmen baılanysty máselelerdi sheshti: jasandy ıntellekt, mashınalyq oqytý, kompúterlik kórý, vırtýaldy jáne keńeıtilgen shyndyq, genomdyq óńdeý. Bólingen formattaǵy ınjenerlik tapsyrmamen jumys isteý úshin 2020 jyly fınalda synalǵan birqatar tehnologıalar qoldanyldy: mamandandyrylǵan baǵdarlamalyq jasaqtama, sımýlátorlar, komandalyq jumys úshin jeke beıne jáne daýystyq arnalar, synaq alańdarynan translásıalar. Qorytyndy saıysqa júzden astam oqýshy qatysty, olardyń aldynda aqyl-oıdy eskeretin algorıtm qurý mindeti turdy. Sońǵy synaq úshin qatysýshylarǵa Krıstofarıdiń sýperkompúterine qol jetimdilik berildi.
– «Bolashaqqa úles» Sber qaıyrymdylyq qorymen jáne jasandy ıntellekt Akademıasymen birlesip ótkiziletin «Jasandy ıntellekt» beıininiń fınalynda oryssha mátinderdi mashınalyq túsiný salasynda serpilis boldy. Oqýshylar bir jyl boıy osyndaı tapsyrmamen jumys istegen reseılik data-science qoǵamdasty qol jetkize almaǵan nátıjeni kórsetti, – deıdi «Úıirme qozǵalysy» UTB jumys tobynyń jetekshisi Dmıtrıı Zemsov.
– Jasandy ıntellekt jaı ǵana bizdiń bolashaǵymyz emes, ol búginniń ózinde rasymen engizilip jatyr. Sondyqtan biz trendte bolýǵa jáne oqýǵa, izdeýge, synap kórýge tıispiz, olımpıada bul turǵyda men úshin jaqsy mektepke aınaldy, – dep Danıal marapattaý rásiminen keıin áserimen bólisti.
