Almaty qalasy ákimdiginiń Memlekettik aktivter basqarmasy “Jas otaý” neke saraiyn senimgerlik basqarýǵa alǵan “Altyn dán Qazaqstan” kompaniiasyna qarsy kezekti sotta taǵy da jeńiske jetti, dep habarlaidy Dalanews.kz.
Bes.media agenttiginiń málimetinshe, tarihi-mádeni mura sanalatyn nysan 2016 jyly 20 jylǵa “Altyn dán Qazaqstan” kompaniiasyna senimgerlik basqarýǵa berilgen. Kompaniia kelisim boiynsha saraiǵa keminde 500 mln teńge kóleminde jóndeý jáne abattandyrý jumystaryn júrgizýi tiis bolǵan.
Alaida mindettemeler oryndalmaǵan soń, prokýratýra 2022 jyly kelisimdi buzýdy talap etti.
2023 jyly sot ǵimaratty memleket menshigine qaitarý týraly sheshim shyǵardy.
2024 jyly sheshimdi ýaqytyly oryndamaǵany úshin kompaniiadan 1,2 mln teńge aiyppul óndirildi.
Daýdyń jańa kezeńinde jaǵdai basqasha órbidi. Bul joly kompaniianyń ózi memlekettik organnan shyǵyndaryn ótep berýdi talap etti.
“Altyn dán Qazaqstan” senimgerlik basqarý kezinde jóndeý, abattandyrý jáne jabdyqtaýǵa qarjy salǵanyn alǵa tartyp, memleketten 157,3 mln teńgeni óndirip berýdi surady.
Memlekettik aktivter basqarmasy sotta burynǵy sheshimderge súiene otyryp, kompaniia óz mindettemeleriniń basym bóligin oryndamaǵanyn eske saldy.
Atap aitqanda, jobalyq-smetalyq qujattama daiyndalmaǵan, kúrdeli jóndeý júrgizilmegen, investitsiialyq jospar júzege aspaǵan, nysannyń ózi nasharlaǵan.
Bul derekter pretsedenttik sipatqa ie, iaǵni qaitadan dáleldeýdi qajet etpeidi.
Prokýror da talapty qanaǵattandyrýǵa negiz joq ekenin aitty.
Sot ta kompaniianyń talap aryzyn qanaǵattandyrmady. Oǵan sebep shyǵyndardyń negizdiligi dáleldenbegen, kelisilgen jobalyq qujattar joq, ýákiletti organdardyń ruqsattary usynylmaǵan, tarihi nysan bolǵandyqtan, Mádeniet basqarmasymen kelisim de alynbaǵan.
“Altyn dán Qazaqstan” JShS-niń 157,3 mln teńge óndirý týraly talaby qanaǵattandyrylmasyn”, — delingen sottyń resmi sheshiminde.
