Kisi óltirý deregi boiynsha tergeý basqarmasy sotaldy tergeý júrgizip jatqany belgili boldy.
"Kúdikti birden qamaýǵa alyndy. Buǵan deiin sotaldy tergeý merzimi sot-psihiatriialyq zertteý júrgizýge bailanysty úzilgen bolatyn. Qazir qaita jandandy, tiisti saraptamalar taǵaiyndaldy. Tergeý aiaqtalǵannan keiin qylmystyq is materialdary sotqa beriledi", - dedi politsiia.
Aita keteiik, marqum Nurbol Qaiypbaev otbasynyń jalǵyz asyrýshysy bolǵan. Turǵyn úi kesheninde ol eki jyldan beri 165 myń teńge ailyqqa jumys istep kelipti.
"Balamnyń ne jamandyq jasaǵanyn bilmeimin ǵoi, biraq balam ańqyldaq bolatyn. Eshkimge jamanshyldyǵy joq edi. Balam joq qoi. Balamnyń ornyn nemen toltyrady alady?! Bilmeimin ǵoi, nemen toltyra alatynyn", - dedi marqumnyń anasy Maira Qaiypbaeva.
"Keshe ekinshi táýligi bolǵan. Búgin úige kelý kerek edi. Tańerteń habarlasyp edim, basqa bir kisi telefon aldy da, "siz joldasysyz ba, Nurbol qazir aýrýhanada" dedi. Ondai adamly shyǵarmaý kerek. Qaitadan taǵy bireýdi óltiredi. Ony óltirmeý kerek, túrmede qinaý kerek, ómir boiyna ..." - dedi marqumnyń jary Ásem Moldahýnova.
Bul jaǵdaiǵa qatysty politsiia qylmystyq is qozǵady.
"Kisi óltirý deregi boiynsha qylmystyq is qozǵaldy. Kúdikti er adam qazir ýaqytsha ustaý izoliatoryna qamaýǵa alynǵan. Qylmystyń basqa da mán-jaiy anyqtalyp jatyr", - dedi buǵan deiin Almaty PD bastyǵynyń orynbasary Rýstam Sháribaev.
Sonymen qatar, marqumnyń jaqyndary qylmyskerdiń jazadan sytylyp ketpeýin talap etti.
