كىسى ءولتىرۋ دەرەگى بويىنشا تەرگەۋ باسقارماسى سوتالدى تەرگەۋ جۇرگىزىپ جاتقانى بەلگىلى بولدى.

"كۇدىكتى بىردەن قاماۋعا الىندى. بۇعان دەيىن سوتالدى تەرگەۋ مەرزىمى سوت-پسيحياتريالىق زەرتتەۋ جۇرگىزۋگە بايلانىستى ۇزىلگەن بولاتىن. ءقازىر قايتا جانداندى، ءتيىستى ساراپتامالار تاعايىندالدى. تەرگەۋ اياقتالعاننان كەيىن قىلمىستىق ءىس ماتەريالدارى سوتقا بەرىلەدى"، - دەدى پوليسيا.

ايتا كەتەيىك، مارقۇم نۇربول قايىپبايەۆ وتباسىنىڭ جالعىز اسىرۋشىسى بولعان. تۇرعىن ءۇي كەشەنىندە ول ەكى جىلدان بەرى 165 مىڭ تەڭگە ايلىققا جۇمىس ىستەپ كەلىپتى. 

"بالامنىڭ نە جاماندىق جاساعانىن بىلمەيمىن عوي، ءبىراق بالام اڭقىلداق بولاتىن. ەشكىمگە جامانشىلدىعى جوق ەدى. بالام جوق قوي. بالامنىڭ ورنىن نەمەن تولتىرادى الادى؟! بىلمەيمىن عوي، نەمەن تولتىرا الاتىنىن"، - دەدى مارقۇمنىڭ اناسى مايرا قايىپبايەۆا.

"كەشە ەكىنشى تاۋلىگى بولعان. بۇگىن ۇيگە كەلۋ كەرەك ەدى. تاڭەرتەڭ حابارلاسىپ ەدىم، باسقا ءبىر كىسى تەلەفون الدى دا، "ءسىز جولداسىسىز با، نۇربول ءقازىر اۋرۋحانادا" دەدى. ونداي ادامlى شىعارماۋ كەرەك. قايتادان تاعى بىرەۋدى ولتىرەدى. ونى ولتىرمەۋ كەرەك، تۇرمەدە قيناۋ كەرەك، ءومىر بويىنا ..." - دەدى مارقۇمنىڭ جارى اسەم مولداحۋنوۆا.

بۇل جاعدايعا قاتىستى پوليسيا قىلمىستىق ءىس قوزعادى. 

"كىسى ءولتىرۋ دەرەگى بويىنشا قىلمىستىق ءىس قوزعالدى. كۇدىكتى ەر ادام ءقازىر ۋاقىتشا ۇستاۋ يزولياتورىنا قاماۋعا الىنعان. قىلمىستىڭ باسقا دا ءمان-جايى انىقتالىپ جاتىر"، - دەدى بۇعان دەيىن الماتى پد باستىعىنىڭ ورىنباسارى رۋستام شارىبايەۆ.

سونىمەن قاتار، مارقۇمنىڭ جاقىندارى قىلمىسكەردىڭ جازادان سىتىلىپ كەتپەۋىن تالاپ ەتتى.