Almatyda elitalyq turǵyn úi kesheninde kúzetshini aiýandyqpen óltirgen er adamǵa qatysty jańa málimetter paida boldy. Bul týraly oqiǵa kýágerleri men QSK qyzmetkerleri málimdedi, - dep habarlaidy Dalanews.kz.
Eldi dúrliktirgen qylmysqa "Merkýr Taýn" turǵyn úi kesheniniń turǵyndary kýá bolǵan. Olar kúzetshi men er adam arasynda bolǵan janjalǵa bailanysty túsinikteme berdi.
"Ol ashýǵa býlyqqanda, ata-anasy únemi halyqtan kómek suraityn. Iship alǵan kezinde ony tynyshtandyrýǵa tyrysatyn jáne shlagbaýmnan ótkizbeitin. Bul joly ol mas kúiinde kólik júrgizgisi keledi. Biraq kezekshi kúzetshimiz Nurbol ony ishke kirgizbeýge tyrysady. Biraq ol báribir ótip ketedi. Nurbol sońynan erip, onyń qaida betteginine qaraidy. Ol keri qaitqan kezinde kólik qaita keledi. Kúzetshi qaqpany jaba bastaǵanda, kóliktegi er adam ony birneshe ret ádeii qaǵyp, artynan kólikten túsip ony judyrqtai bastaidy. Sosyn basynan bótelkemen uryp, ústine sekirgen", - dep habarlady "Merkýrii Taýers" turǵyn úi kesheni Tengrinews.kz tilshisine.
Kýágerlerdiń aitýynsha, shabýyl jasaǵan er adam uzaq jyldar boiy ata-anasymen osy turǵyn úi kesheninde turyp kelgen. Sonymen qatar olar er adamnyń nashaqorlyqqa shaldyqqanyn aitady.
"Osydan eki-úsh ai buryn ol dispetcherdi de uryp-soqqan bolatyn. Ol - nashaqor. Birneshe ret politsiiaǵa da habarlastyq. Esirtki qabyldaǵan kezde úisiz-kúisiz júrgen adamdardy osy jaqqa súirei bastaidy. Biz sáikesinshe bóten adamdardy aýmaqqa kirgizbeimiz. Al ol osy sátte esikterdi buzyp, liftti tepkilei bastaidy. Dispetcher eskertý jasap, ata-anasyna habarlasqan kezde, 55 jastaǵy áieldiń shashynan súiregen. Sodan soń kómekke kelgen kúzetshini tunshyqtyrady. Kúzetshi bul oqiǵadan keiin jumystan shyǵyp ketti. Biz quqyq qorǵaý organdaryna aryz jazdyq. Biraq olardan birde-bir jaýap alǵan joqpyz", - dep habarlady turǵyn úi kesheniniń turǵyndary.
