الماتىدا ەليتالىق تۇرعىن ٷي كەشەنٸندە كٷزەتشٸنٸ ايۋاندىقپەن ٶلتٸرگەن ەر ادامعا قاتىستى جاڭا مەلٸمەتتەر پايدا بولدى. بۇل تۋرالى وقيعا كۋەگەرلەرٸ مەن قسك قىزمەتكەرلەرٸ مەلٸمدەدٸ, - دەپ حابارلايدى Dalanews.kz.
ەلدٸ دٷرلٸكتٸرگەن قىلمىسقا "مەركۋر تاۋن" تۇرعىن ٷي كەشەنٸنٸڭ تۇرعىندارى كۋە بولعان. ولار كٷزەتشٸ مەن ەر ادام اراسىندا بولعان جانجالعا بايلانىستى تٷسٸنٸكتەمە بەردٸ.
"ول اشۋعا بۋلىققاندا, اتا-اناسى ٷنەمٸ حالىقتان كٶمەك سۇرايتىن. ٸشٸپ العان كەزٸندە ونى تىنىشتاندىرۋعا تىرىساتىن جەنە شلاگباۋمنان ٶتكٸزبەيتٸن. بۇل جولى ول ماس كٷيٸندە كٶلٸك جٷرگٸزگٸسٸ كەلەدٸ. بٸراق كەزەكشٸ كٷزەتشٸمٸز نۇربول ونى ٸشكە كٸرگٸزبەۋگە تىرىسادى. بٸراق ول بەرٸبٸر ٶتٸپ كەتەدٸ. نۇربول سوڭىنان ەرٸپ, ونىڭ قايدا بەتتەگٸنٸنە قارايدى. ول كەرٸ قايتقان كەزٸندە كٶلٸك قايتا كەلەدٸ. كٷزەتشٸ قاقپانى جابا باستاعاندا, كٶلٸكتەگٸ ەر ادام ونى بٸرنەشە رەت ەدەيٸ قاعىپ, ارتىنان كٶلٸكتەن تٷسٸپ ونى جۇدىرقتاي باستايدى. سوسىن باسىنان بٶتەلكەمەن ۇرىپ, ٷستٸنە سەكٸرگەن", - دەپ حابارلادى "مەركۋريي تاۋەرس" تۇرعىن ٷي كەشەنٸ Tengrinews.kz تٸلشٸسٸنە.
كۋەگەرلەردٸڭ ايتۋىنشا, شابۋىل جاساعان ەر ادام ۇزاق جىلدار بويى اتا-اناسىمەن وسى تۇرعىن ٷي كەشەنٸندە تۇرىپ كەلگەن. سونىمەن قاتار ولار ەر ادامنىڭ ناشاقورلىققا شالدىققانىن ايتادى.
"وسىدان ەكٸ-ٷش اي بۇرىن ول ديسپەتچەردٸ دە ۇرىپ-سوققان بولاتىن. ول - ناشاقور. بٸرنەشە رەت پوليتسيياعا دا حابارلاستىق. ەسٸرتكٸ قابىلداعان كەزدە ٷيسٸز-كٷيسٸز جٷرگەن ادامداردى وسى جاققا سٷيرەي باستايدى. بٸز سەيكەسٸنشە بٶتەن ادامداردى اۋماققا كٸرگٸزبەيمٸز. ال ول وسى سەتتە ەسٸكتەردٸ بۇزىپ, ليفتتٸ تەپكٸلەي باستايدى. ديسپەتچەر ەسكەرتۋ جاساپ, اتا-اناسىنا حابارلاسقان كەزدە, 55 جاستاعى ەيەلدٸڭ شاشىنان سٷيرەگەن. سودان سوڭ كٶمەككە كەلگەن كٷزەتشٸنٸ تۇنشىقتىرادى. كٷزەتشٸ بۇل وقيعادان كەيٸن جۇمىستان شىعىپ كەتتٸ. بٸز قۇقىق قورعاۋ ورگاندارىنا ارىز جازدىق. بٸراق ولاردان بٸردە-بٸر جاۋاپ العان جوقپىز", - دەپ حابارلادى تۇرعىن ٷي كەشەنٸنٸڭ تۇرعىندارى.
