Forým jumysyna bilim berý jáne kreativti habtar, Niderlandynyń, Frantsiianyń, Italiianyń, Germaniianyń, Ulybritaniianyń, Qyrǵyzstannyń, Ózbekstannyń jáne t.b. elderdiń kreativti segmentiniń uiymdary tartylǵan.
Qala ákiminiń orynbasary Álisher Ábdiqadyrov Almaty Creative Week aptalyǵynyń saltanatty ashylýynda atap ótkendei, Almatynyń kreativti indýstriiany damytýǵa barlyq qajetti resýrsy bar.
Onyń aitýynsha, búginde bul salada qalada 22 myń kásiporyn jumys isteidi. 2021 jyldyń qorytyndysy boiynsha kreativti indýstriialar salasynan shaǵyn jáne orta biznes sýbektileri tólegen salyq somasy 5,4 mlrd. teńgeni qurady.
«Búgingi forým Almaty qalasy jáne kreativti qoǵamdastyqtyń barlyq ókilderi úshin ashyq suhbattasý, tájiribe almasý, kreativti indýstriialardyń sapaly jáne progressivti damýy úshin jańa biznes-úlgisin anyqtaý múmkindigin beredi.
Bizdiń damýymyzdyń vektory kelesi: sáýlet, dizain jáne zamanaýi óner, mýzyka, kino jáne animatsiia, sán jáne qolóner, jańa media jáne tsifrlyq mádeniet, kibersport jáne geim-development sektorlarynda shoǵyrlanatyn bolady», – dep atap ótti Álisher Ábdiqadyrov.
Sondai-aq ol kreativti indýstriiany tiimdi damytý maqsatynda Almatyda tiisti infraqurylym qalyptastyrý, kásipkerlikti yntalandyrý, sondai-aq bul saladaǵy bilimdi, daǵdyny jáne quzyretti áigileý boiynsha sharalar qabyldanatynyn aitty.
Aldaǵy jyldary Almatyda 3 kreativti hab, IT-hab, qalalyq venchýrlyq qor jáne halyqaralyq deńgeide eki beine- jáne dybys jazý stýdiiasyn ashý josparlanyp otyr.
2030 jylǵa qarai kreativti indýstriia sektoryn keshendi damytý Almatynyń jalpy óńirlik ónimindegi kreativti indýstriialar salymyn 5%-ǵa deiin jetkizip jáne kreativti indýstriialar eksportynyń qyzmetin 500 mln. AQSh dollaryna deiin arttyra otyryp, salany ekonomikalyq mańyzdy salaǵa ainaldyrýǵa múmkindik beredi.
Qazaqstan Respýblikasy Mádeniet jáne sport vitse-ministri Erjan Erkinbaevtyń aitýynsha, qazirgi ýaqytta kreativti indýstriiamen bailanysty ózgerister men tolyqtyrýlar Kásipkerlik kodeksine jáne «Mádeniet týraly» Zańǵa engizilýde.
Almaty Kreativti indýstriialar aptalyǵynyń 1-5 qarasha aralyǵynda ótip jatqanyn esterińizge salamyz. Is-sharalar sheńberinde kórmeler, perfomanstar, sheberlik klasstary jáne kóptegen basqa da sharalar uiymdastyrylatyn bolady. Budan basqa, Timýr Bekmambetovtyń «PROFIL» filminiń premeralyq kórsetilimi, sondai-aq Almaty qalasy men Almaty oblysy turǵyndarynyń arasynda Dota 2 túrinde Almaty Creative Week Esports Cup 2022 kibersport týrniri ótedi.
